Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir fóru ekki auðveldu leiðina í dag







21. apríl 2009 - Akureyri handboltafélag skrifar

2. flokkur: Dramatískur sigur eftir framlengingu

Það er óhætt að segja að Akureyri og Víkingur hafi boðið upp á háspennu og dramatík þegar liðin mættust í kvöld í fjögurra liða úrslitum 2. flokks. Jafnt var á öllum tölum til að byrja með upp í 4-4 en þá loksins náði Akureyri frumkvæðinu í leiknum, þó aldrei meira en tveggja marka forystu. Víkingar börðust þó vel jöfnuðu í 9-9 en með góðum endaspretti náðu Akureyrarstrákar þriggja marka forystu undir lok hálfleiksins og leiddu 14-11 í leikhléi.

Elmar stóð í markinu og má segja að eftir fyrstu fimm mínúturnar hafi hann fundið sitt albesta form og var kominn með 11 varin skot í hálfleiknum. Siguróli kom inná og varði vítakast þannig að markvarslan var með ágætum. Vörnin stóð fyrir sínu og í sóknarleiknum voru þeir Anton og Hákon atkvæðamestir með 4 og 3 mörk.

En Adam var ekki lengi í paradís því að Víkingar komu dýrvitlausir til seinni hálfleiks og sneru leiknum sér í vil með því að skora sex mörk gegn einu á upphafskafla seinni hálfleiks og fór heldur að fara um stuðningsmenn Akureyrar, staðan orðin 15-17 fyrir Víking.

Akureyri skoraði næstu þrjú mörkin og náðu frumkvæðinu á ný, 18-17. Í kjölfarið var jafnt á öllum tölum upp í 25-25 og höfðu liðin skipst á að hafa forystuna. Þegar hér var komið sögu tóku Akureyrarstrákar völdin í sínar hendur og náðu þriggja marka forystu 29-26 þegar fimm mínútur voru til leiksloka og sigurinn virtist blasa við liðinu.

Víkingsstrákar voru þó ekkert á þeim buxunum að gefast upp baráttulaust, skoruðu fjögur mörk í röð og breyttu stöðunni í 29-30 þegar einungis 14 sekúndur voru eftir á leikklukkunni. Akureyri tók leikhlé og bætti aukamanni í sóknina. Útlitið var þó frekar dapurt en svo virtist sem sóknin væri að fjara út þegar Oddur Gretarsson náði loks skoti á Víkingsmarkið sem rataði í netið á síðustu andartökunum og tryggði þar með framlengingu.

Varnarleikur Akureyrar var óvenjuslakur í seinni hálfleiknum, einn Víkinganna var tekinn úr umferð allan hálfleikinn en fyrir vikið opnaðist Akureyrarvörnin oft illilega og Víkingar fengu galopin færi trekk í trekk og þar með fór lítið fyrir markvörslunni.

Það var síðan aldrei spurning í framlengingunni hvort liðið var sterkara, Akureyrarvörnin fór aftur að virka og þar með kom markvarslan einnig. Strákarnir leiddu 34-32 eftir fyrri hlutann og kláruðu seinni hlutann með stæl og þar með leikinn 38-34 eftir að Víkingur náði að skora síðasta mark leiksins.

Ekki mátti miklu muna að illa færi í dag og vonandi verður þetta strákunum áminning í úrslitarimmunni að það þarf að halda haus og spila af fullum krafti þar til leikurinn er flautaður af.

Mörkin í dag skoruðu: Anton Rúnarsson 9, Oddur Gretarsson 8 (4 úr vítum), Atli Ævar Ingólfsson 6, Hákon Stefánsson og Bjarni Jónasson 4 hvor, Guðmundur Helgason og Jón Þór Sigurðsson 3 mörk hvor og Heiðar Þór Aðalsteinsson 1 mark.

Í markinu varði Elmar Kristjánsson 21 skot og Siguróli Sigurðsson 1 vítakast.

Strákarnir munu því á næstunni heyja úrslitaeinvígi við annaðhvort Selfoss eða FH um Íslandsmeistaratitilinn og verða leiknir tveir leikir, heima og heiman og samanlagður árangur í þeim sker úr um hvort liðið hampar titlinum. Ekki er ljóst á þessari stundu hvenær þeir leikir fara fram en við óskum strákunum að sjálfsögðu til hamingju með þennan áfanga.

Dómarar í dag voru þeir Hafsteinn Ingimarsson og Gísli Jóhannsson sem stóðu sig með prýði þó að vissulega hafi verið nokkur atvik sem orkuðu tvímælis.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson