Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Okkar menn stóðu fyrir sínu með landsliðinu



23. maí 2010 - Akureyri handboltafélag skrifar

U-18: Tap fyrir Noregi í síðasta leik

U18 landslið karla tapaði í dag fyrir Noregi 35-30 í lokaleik sínum í undankeppni EM sem fór fram um helgina í Belgíu staðan í hálfleik var 16-15 fyrir Noreg.

Mikið jafnræði var með liðunum í fyrri hálfleik. Norðmenn náðu 3 marka forystu um miðjan hálfeikinn 9-12 en íslenska liðið kom til baka og náði að jafna 15-15 áður en Norðmenn skoruðu síðasta markið í hálfleiknum.

Norðmenn byrjuðu seinni hálfleikinn betur og voru komnir með 3 marka forystu eftir 5 mínútna leik 18-21 en íslenska liðið jafnaði í 22-22 eftir 10 mínútna leik. Við tók mjög slæmur kafli hjá íslenska liðinu og Norðmenn komust í 23-27. Íslenska liðið breytti yfir í 5-1 vörn og náði að jafna leikinn í 28-28 en Norðmenn reyndust sterkari á lokakafla leiksins og unnu sem fyrr segir 30-35.

Mörk Íslands: Sveinn Aron Sveinsson 6/1, Geir Guðmundsson 5, Ísak Rafnsson 5, Guðmundur Hólmar Helgason 4, Víglundur Þórsson 3, Pétur Júníusson 2, Magnús Óli Magnússon 2, Árni Benedikt Árnason 2 og Arnar Daði Arnarsson 1

Sigurður Ingiberg Ólafsson varði 12 skot í leiknum.

Noregur hafnaði því í efsta sæti riðilsins en Ísland í öðru sæti og fara bæði liðin í lokakeppni EM sem verður í Svartfjallalandi í ágúst.

Við látum hér fylgja þriðja dagbókapistil strákanna.

Dagbók frá Belgíu dagur 3

Gleðin var við völd þegar leikmenn Íslands voru mættir í morgunmat. Vinstri hornamennirnir, Lundi (Víglundur) og Forsetinn (Arnar Daði) voru þó ekki við morgunmatarborðið, þegar upp var staðið voru þeir sofandi upp í herbergi, ástæðan var sú að þeir vakna víst alltaf fyrir allar aldir, drífa sig niður í mat og fara svo aftur að sofa. Ekki eru allir sammála um að þetta sé besta leiðin til að ná sem lengsta svefn en það er nú önnur saga.

Æfing var um ellefu leytið og sigruðu eldri enn og aftur fótboltann og er þetta orðið fremur vandræðanlegt hversu slakir yngri eru í fótboltanum, það má þó fylgja sögunni að Arnar Þorkelsson var í vörninni hjá eldri og stoppaði allar sóknir yngri sem voru þó fáar í þessum leik. Arnar Birkir stóð rækilega undir nafni því hann gleymdi vestunum upp á hóteli en hann sér um að mæta með vestin á hverja æfingu. Síðan tók við smá skotkeppni og svo teygjur.

Eftir æfingu tók við matur, la belgium pasta að hætti skeggjaða kóngsins. Eftir það var haldið upp á hótel og var tíminn notaður í hvíld. Sumir eiga þó erfiðara en aðrir með að hvíla sig og fóru nokkrir leikmenn niður í bæ, sú ferð er ekki í frásögu færandi nema fyrir þær sakir að MR-hetjan, Árni Ben. var heppinn að vera ekki rændur þegar einn dökkur Belgi hoppaði á Árna og knúsaði hann og þreyfaði á honum. Það sást greinilega að Árni er MR-ingur því hann lyfti sér ekkert upp við þetta. Á meðan þetta átti sér stað, voru aðrir leikmenn steinsofandi eða kúrandi saman og horfandi á hinar og þessar bíómyndir.

Enn og aftur var komið að mat, það var mat allra leikmanna að á boðstólnum væri garðssúpa eina ferðina enn, sem og pasta og meðí. Eitt mega Belgarnir eiga að brauðið hérna er tipp topp, og eru magarnir hér líklega fullir af fransbrauði með smjörva. Eftir það var síðan lokaundirbúningur fyrir leikinn gegn Úkraníu, á meðan leikmennirnir voru að því tók Lange það að sér að jarða Átt-una (Leó) við jörðu og heyrðust öskur og væl fram eftir allri Tournai-borg. Einn maður stóð samt ekki vakt sína, fyrr en í rútuna var komið, en Safamýrina-pilturinn, Arnar Birkir fattaði ekki að hann hefði gleymt bæði stuttbuxunum og treyjunni fyrren rútubílstjórinn var búinn að stíga kúplinguna niður, við tók 100 m. sprettur inn í hótelið, náði hann á einhvern ótrúlegan hátt að fá lykil af konunni í „lobbý-inu“, hljóp upp stigann og var kominn aftur inn í rútu á ótrúlegum tíma, með treyjuna og stuttbuxurnar.

Þegar á leikstað var komið var sjónvarpsleikur í gangi, Belgía - Noregur. Þar var spennan ekki beint í hámarki því Norðmennirnir höfðu að lokum 20 marka sigur. Þá var ekkert að vanbúnaði nema að gera sig til fyrir leikinn. Upphitunin gekk með besta móti og var gleðin við völd eins og fyrri daginn. Við ætlum ekki að hafa mörg orð um leikinn en sumt verður þó að koma fram, áður en við byrjum að telja það upp skal koma fram að við sigruðum leikinn með fimm mörkum 32-27 eftir mikið basl framan af en við höfðum þetta að lokum, á baráttunni og gleðinni.

Arnar Birkir Hálfdánarsson átti líklega lélagasta snúning fyrr og síðar og eftir leik hafði hann að orði hann stefndi á það að sættast við Jón Karl Björnsson og reyna ná tengslum við hann og fá aukakennslu á snúning því það er greinilegt eitthvað sem Birkirinn þarf verulega að bæta. Hinsvegar stóð nafni hans (Forsetinn) undir nafni og bætti upp hrikalegan snúnings Birkis með fagnarlátunum en þegar hann skoraði síðasta mark sitt í leiknum hljóp hann að stúkunni og tók eitt stykki handarhlaup þegar hann hljóp til baka, áhorfendurnir sem voru fjölmargir í höllinni stóðu allir upp og klöppuðu fyrir Forsetanum...Það má þó alveg fylgja sögunni að menn höfðu það á orði eftir leik að þetta var líklega eitt lélegasta handarhlaup sem menn höfðu séð og greinilegt að Forsetinn er ekki úr Fimleikafélaginu í Hafnarfirðinum.

Fagnaðarlætin voru ekkert minni eftir leikinn í dag heldur en í gær, enda farseðill til Svartfjallalands í höfn. Það er greinilegt að fólkið hér í Belgíu er að taka vel í okkur því það var ekkert á leiðinni heim úr höllinni og horfa á Inter - Bayern í úrslitum Meistaradeildarinnar, því það stóð í stúkunni og klöppuðu fyrir okkur enda alvöru íþróttamenn hér á ferð sem kunna sko rækilega að fagna, að íslenskum hætti.

Eftir leikinn gerðum við líklega það sem allir heilbrigðir menn gera eftir að hafa hreyft sig, við skelltum okkur í sturtu og fagnarlátunum ætlaði ekkert að ligna frekar þar, því það var sungið og trallað lengi vel undir rennblautri og kaldri sturtunni sem er ekki upp á marga fiska, en þó líklega betri en sturtan á fimm kúlu hótelinu okkar.

Þegar allir höfðu klárað sig af í sturtunni tók við matur. Þar var á boðstólnum alveg glæ ný súpu tegund, það virtist sem að skeggjaði kokkurinn okkar hafði unnið garðvinnuna og var kominn miklu lengra niður en venjulegri menn geta, því bragðið af súpunni þessa kvöldstund var eitthvað líkt olíu. Skeggjaði var greinilega búinn að vera að í allan dag því hann var með hlaðborð af réttum sem enginn hafði séð né bragðað af áður. Ljósið í myrkrinu var þó eins og svo oft áður, brauðið og kók-ið sem gleður mannskapinn ávalt upp.

Eftir að flestir höfðu klárað skammtinn af matnum var haldið upp á hótel, en aftur á móti gleymdust tveir leikmenn upp í íþróttahúsi, ótrúlegt en satt var þar að verki EKKI Arnar Birkir og MR-hetjan Árni Ben. heldur Hafnfirðingarnir, Forsetinn sjálfur og stórskyttan með krulluðu lokkana, Ísak og þurftu þeir að labba heim og komu þeir í hús um klukkustund síðar.

Maður dagsins: Er verndarengilinn, Pétur Arnarson (pabbi Áttunar) en hann flaug yfir Tournai í nótt og gaf okkur auka orku sem skilaði sér greinilega í síðustu mínútunum í leiknum í dag.

Kveðjurnar sem birtist hér á síðunni í gær gerði miklu lukku og voru menn missáttir með að allar þær kveðjur sem við fengum í gær höfðu ekki skilað sér inn. Við afsökum það, en við höfðum bara hreinlega bara ekki tíma í að fara yfir allar þær kveðjur sem við fengum í gær. Hér munu því birtast fleiri kveðjur:

Arnar Þorkelsson biður að heilsa kæró, Írisi Björk Símonardóttir, en myndin af henni á náttborðinu hans Arnars, er öll kámug og þegar nánar er skoðað, virðist hún vera útkysst.

Áttan (Leó) biður að sjálfsögðu að heilsa kæró, en þessi kveðja átti að koma í gær, en vegna tæknilegra örðuleika komst hún ekki inn á réttum tíma. Það má þó ekki gleyma því að Áttan biður þó meira að heilsa Hafdísi tengdó.

Heimir Ríkarðs. biður að heilsa á löggustöðina sem og til Akureyrar.

Jóhannes Lange kastar ískaldri kveðju á Snorra Sturlu. og vill fá að heyra Sódóma strax í næsta þætti í Lange-horninu.

Fimleikastrákarnir úr Hafnarfirðinu biðja allir sem einn að heilsa foreldrum sínum og ættingjum og ekki síst fimleikaþjálfaranum.

MR-hetjan biður að heilsa latínu-kennaranum sínum, en hann hefur getað nýtt sér latínu-kunnáttu sína rækilega hér í Belgium.

Línutröllið sem nær ekki tveimur metrum (Þráinn) kastar ískaldri kveðju á Vallarbraut 14 sem og deitið sitt, Önnu Úrsulu en í tilefni þess spilar Þráinn nr. 17 hér í Belgium eins og daman.

Rúnar tískulöggan okkar biður að heilsa í Jack&Jones!
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson