Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Stefán Guðnason í Evrópuleik með KA 2005.
Sveinbjörn Pétursson



14. ágúst 2010 - Akureyri handboltafélag skrifar

Nýir menn á æfingu hjá Akureyri Handboltafélagi

Það er fjör á æfingum hjá Akureyri Handboltafélagi þessa dagana en nú er lokatörnin fyrir alvöruna hafin. Nýju leikmennirnir, Bjarni Fritzson og Daníel Einarsson mættir í slaginn og tóku vel á því á æfingu í gær.

Þá kom markvörðurinn Sveinbjörn Pétursson (Bubbi) norður í gær og mætti á sína fyrstu æfingu í dag en það er orðið ljóst að hann snýr aftur til Akureyrar eftir tveggja ára veru með HK og einungis formsatriði að skrifa undir leikmannasamning hans.

Þá eru gleðifréttir að markvörðurinn Stefán Guðnason er búinn að draga fram skóna á ný og æfir með liðinu. Stefán sem er 26 ára er handboltamönnum hér að góðu kunnur en hann lék upp yngri flokkana hjá KA og meistaraflokki frá 2002-2006. Stefán var m.a. tvöfaldur bikarmeistari með KA 2004 bæði með 2. flokki og meistaraflokki og lék með unglingalandsliðum. Fyrsta tímabil Akureyrar Handboltafélags var Stefán lánaður til Hattar á Egilsstöðum ásamt nokkrum öðrum efnilegum leikmönnum.

Stefán lenti í slæmum meiðslum fyrir nokkrum árum sem hann er loksins búinn að fá sig góðan af og því er gleðilegt að hann skuli vera kominn af stað á ný. Þrátt fyrir meiðslin hefur Stefán ekki staðið aðgerðalaus heldur einbeitt sér að þjálfun og hefur m.a. þjálfað kvennalið KA/Þór undanfarin ár. Við bjóðum Stefán velkominn til leiks á ný.

Búið er að koma fyrir heilmiklu „baðkari“ í sturtuklefa liðsins þar sem þeir geta farið í ísbað að loknum æfingum. Karið verður væntanlega vígt eftir helgina og bíða leikmenn trúlega misspenntir eftir því en heyrst hefur að Bjarni Fritzson sé helsti talsmaður þessa.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson