Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Árni, Andri Snær og Jónatan í góðum málum erlendis





4. september 2010 - Akureyri handboltafélag skrifar

Okkar menn í útlöndum: Árni, Andri og Jonni

Þrír leikmanna Akureyrar frá síðasta vetri héldu í handboltaútrás í sumar, til mismunandi landa og ætlum við að reyna að flytja fréttir af og til hér á síðunni af þessum fulltrúum okkar í útlandinu.

Árni Sigtryggsson hélt til Þýskalands til liðsins Dormagen sem brá síðan á það ráð að breyta um nafn og heitir núna DHC-Rheinland eða fullu nafni Dormagener Handball-Club Rheinland. Eftir strangt undirbúningstímabil með fjölda æfingaleikja er vertíðin hafin hjá Árna og félögum.


Árni í æfingleik gegn GWD Minden

Liðið er búið að leika einn leik í þýsku Bundesligunni en þeir fengu lærissveina Alfreðs Gíslasonar í Kiel í heimsókn í fyrstu umferð.

DHC-Rheinland kom Kiel-verjum í opna skjöldu og veittu þeim verðuga keppni, jafnt var í hálfleik 15-15 en Kiel sýndi klærnar í seinni hálfleik og sigraði með sjö mörkum 25-32. Árni skoraði þrjú mörk í leiknum og Haukamaðurinn Sigurbergur Sveinsson tvö.


Árni er annar frá vinstri í efstu röð

Hér er hægt að skoða heimasíðu DHC-Rheinland.

Andri Snær Stefánsson er væntanlega að landa samningi við danska 1. deildarliðið Odder Håndbold en deildarkeppnin hefst núna 12. september hjá þeim. Andri fór með liðinu í rúmlega vikuferð til spænsku eyjarinnar Lanzarote þar sem liðið var í æfingabúðum. Liðsmenn kepptu innbyrðis í ýmsum íþróttagreinum á meðan ferðinni stóð og eftir stranga keppni stóð Andri Snær uppi sem sigurvegari keppninnar (La Santa games).


Sigurvegarinn með verðlaunagripinn á höfðinu

Hér er hægt að lesa frásögn heimasíðu Odder liðsins frá lokadegi La Santa leikanna.

Andra hefur gengið vel í æfingaleikjum liðsins og er bjartsýnn á framhaldið.


Andri er í treyju númer 15 í fremstu röð

Hér er hægt að skoða heimasíðu Odder Håndbold.

Jónatan Magnússon hélt til Noregs og leikur þar með 3. deildarliði Kristiansund Håndballklubb. Tímabilið er ekki heldur hafið hjá þeim en búin að vera mikil törn æfingaleikja. Liðið tók þátt í æfingamóti um daginn og hafnaði þar í 6. sæti. Þetta var erfitt mót, margir leikir og menn þreyttust eðlilega.

Spurning hvort Jonni hafi gert í því að ná sér í extra pásu því að á heimasíðu liðsins er greint frá því að hann hafi krækt sér í rautt spjald í einum leiknum eftir aðeins 15 mínútna leik. „Her fikk vår sterke nyerverervelse fra Island, Jonatan Magnusson, rødt kort med 15 min igjen av kampen.“

Um síðustu helgi léku þeir tvo æfingaleiki við 1. deildarlið Lillestrøm og unnu báða leikina og virðast til alls líklegir í vetur.

Því miður höfum við ekki neinar myndir af Jonna með liðinu en bendum hér á heimasíðu Kristiansund Håndballklubb.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson