Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Akureyrarliðið þarf að gera betur á morgun gegn Fram



10. september 2010 - Akureyri handboltafélag skrifar

Nú er lokið fyrri degi Opna Norðlenska mótsins

Akureyri – Grótta
Í fyrsta leik mættust Akureyri og Grótta þar sem Akureyri byrjaði vel og komst í 4-2 en þá sneru Gróttumenn dæminu við, skoruðu næstu fimm mörk og komust í 4-7 áður en Akureyri komst á blað á ný. Gróttu hélt forystunni út hálfleikinn og leiddu 12-15 þegar flautað var til hlés.

Það var ekki fyrr en í stöðunni 24-24 sem Akureyri tókst að jafna leikinn en náðu aldrei frumkvæðinu og Grótta sigraði að lokum með einu marki 27-28.

Akureyri saknaði sárlega Guðmundar Hólmars Helgasonar sem meiddist á æfingu í gær og liðið náði sér aldrei almennilega á flug. Hins vegar léku Gróttu menn afar vel í leiknum og verða greinilega til alls vísir í 1. deildinni í vetur.

Mörk Akureyrar skoruðu: Bjarni Fritzson 8, Geir Guðmundsson 6, Heimir Örn Árnason og Oddur Gretarsson 4 hvor, Hörður Fannar 3, Daníel Einarsson og Guðlaugur Arnarsson 1 mark hvor.
Hjá Gróttu var Hjalti Pálmason atkvæðamestur með 9 mörk.

Valur – Stjarnan
Annar leikur dagsins var á milli Vals og Stjörnunnar, leikurinn var hnífjafn mestallan fyrri hálfleikinn, jafnt á nánast öllum tölum upp í 10-10 en Valsmenn sigu fram úr í lokin og voru 14-11 yfir í hálfleik. Valsarar sigu síðan fram úr eftir því sem leið á seinni hálfleikinn og fóru að lokum með sex marka sigur 25-19. Áhorfendur í höllinni veittu sérstaka athygli vinstra hornamanni Stjörnunnar sem er enginn annar en Bjarni Jónasson, fyrrum leikmaður Akureyrar.

Anon Rúnarsson var iðinn við markaskorun hjá Val, skoraði 7 mörk en hjá Stjörnunni voru Tandri, Vilhjálmur og Guðmundur með 4 mörk hver. Maður leiksins var tvímælalaust markvörður Stjörnunnar sem átti stórleik.

Grótta – Fram
Þriðji leikur dagsins var síðan á milli Gróttu og Fram. Gróttuliðið sýndi töluverða mótspyrnu framan af leik en ljóst var að menn voru þreyttir eftir fyrsta leikinn og því náðu frískir Framarar fljótlega yfirhöndinni. Hálfleiksstaðan 9-14 Fram í vil.

Sá munur jókst síðan jafnt og þétt og endaði leikurinn með öruggum sigri Fram 24-35. Hjalti Pálmason var enn sem fyrr markahæstur Gróttumanna með 6 mörk en hjá Fram var Halldór Sigfússon markahæstur með 5 mörk en markaskorunin dreifðist mjög hjá liðinu.

Í liði Fram eru Akureyringarnir Halldór Jóhann Sigfússon og bræðurnir Magnús og Hákon Stefánssynir frá Fagraskógi en nú hefur Heiðar Þór Aðalsteinsson bæst í hóp Akureyringa í Framliðinu.

Stjarnan – FH
Lokaleikur dagsins var á milli Stjörnunnar og FH. Stjarnan var sem sé að leika sinn annan leik eftir stutta hvíld og líkt og hjá Gróttumönnum kom í ljós að fyrri leikurinn hafði tekið sinn toll. FH sem spilaði mjög hraðan bolta tók öll völd á vellinum en Stjarnan klóraði í bakkann og munurinn aðeins fjögur mörk í hálfleik, 12-16 fyrir Stjörnuna.

FH ingar hertu tök sín á leiknum í seinni hálfleik og unnu loks tíu marka sigur 24-34.

Hjá FH var Ásbjörn Friðriksson drýgstur með 6 mörk en Tandri skoraði sömuleiðis 6 mörk fyrir Stjörnuna.

Á laugardagsmorgunn kl. 9:30 mætast Akureyri og Fram og þar á eftir klukkan 11:00 Valur og FH. En þar á eftir verða þrír leikir um sæti.

Nánari fréttir og myndir frá mótinu koma á morgun.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson