Opna Norðlenska mótinu lauk í dag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Geir átti stórleik í úrslitaleiknum í dag		11. september 2010 - Akureyri handboltafélag skrifar Opna Norðlenska mótinu lauk í dag Dagurinn hófst á leik Akureyrar og Fram en vegna úrslita gærdagsins var ljóst að Akureyri þyrfti að vinna Fram með sex marka mun til að tryggja sér sigur í riðlinum og þar með réttinn til að spila um 1. sæti mótsins. Fyrri hálfleikur var jafn og spennandi þar sem Fram hafði þó frumkvæðið og leiddi 12-11 í hálfleik. Akureyri komst yfir í stöðunni 14-15 og jók muninn í 15-19 og náðu sex marka forystu þegar staðan varð 19-25 en lokaniðurstaðan varð góður sjö marka sigur 22-29. Bjarni Fritzson og Heimir Örn Árnason voru gríðarlega sterkir og skoruðu sjö mörk hvor auk þess sem Sveinbjörn átti prýðisgóðan leik í markinu á bak við sterka vörn liðsins. Mörk Akureyrar: Bjarni Fritzson og Heimir Örn Árnason 7 mörk hvor, Oddur Gretarsson 6, Geir Guðmundsson og Guðlaugur Arnarsson 3 mörk hvor, Daníel Einarsson, Halldór Logi Árnason og Jóhann Gunnarsson 1 mark hver. Hjá Fram var markadreifingin jöfn en sex leikmenn skoruðu 3 mörk hver. Lokaleikur riðlakeppninnar var síðan á milli FH og Vals og réðu úrslit leiksins hvort liðið myndi mæta Akureyri í úrslitaleiknum. Skemmst er frá því að segja að FH tók leikinn í sínar hendur strax í upphafi, komst í 3-0 og leiddi í hálfleik með sex mörkum, 15-9. FH gaf Val aldrei tækifæri til að komast inn í leikinn aftur og hélt öruggri forystu til leiksloka sem endaði 31-24 fyrir FH. Hjá FH var Ásbjörn Friðriksson í gríðarlegum ham og var langmarkhæstur þeirra með 11 mörk en hjá Val var hægri skyttan (held að hann heiti Arnar) markhæstur með 6 mörk en Anton Rúnarsson og Valdimar Þórsson fimm mörk hvor. Það var því ljóst að Stjarnan og Grótta léku um 5. sætið, Valur og Fram um 3. sætið og Akureyri og FH um 1. sætið. 5. sæti Leikur 1. deildarliðanna var hörkuspennandi í fyrri hálfleik, jafnt á flestum tölum enda hálfleikstölur 14-14. Grótta tók síðan leikinn í sínar hendur í seinni hálfleik og fór með öruggan sigur 30-24. Hjalti Pálmason fór fyrir Gróttumönnum og skoraði 10 mörk líkt og Tandri sem skoraði 10 mörk fyrir Stjörnuna. 3. sæti Leikur Vals og Fram varð æsispennandi þar sem Fram hafði vinninginn lengst af og leiddi 11-13 í hálfleik. Munurinn í seinni hálfleik varð mestur fjögur mörk Fram í vil, 13-17 og 14-18 en Valsmenn gáfust ekki upp og náðu að jafna í 20-20. Fram komst aftur fjögur mörk yfir 21-25 en þar með komust Valsmenn í ham og skoruðu næstu fimm mörkin og náðu þar með forystunni 26-25. Það voru síðan Framarar sem skoruðu síðasta mark leiksins og jöfnuðu í 26-26. Þjálfarar liðanna ákváðu að láta þar við sitja enda menn orðnir býsna lúnir eftir erfiða helgi. 1. sæti Lokaleikur Akureyrar og FH bauð upp á allt sem góður úrslitaleikur þarf til. Fyrri hálfleikurinn jafn á flestum tölum upp í 10-10 en Akureyri leiddi 13-12 í hálfleik. Spennan hélt áfram í seinni hálfleik, FH með frumkvæðið án þess þó að slíta sig frá Akureyri. Hjá Akureyri fór Geir Guðmundsson á kostum í seinni hálfleik með glæsimörkum úr hægri skyttustöðunni. Eftir darraðardans í lokin fór FH með þriggja marka sigur, 26-29 og hreppti þar með sigur í mótinu. Mörk Akureyrar: Geir Guðmundsson 11, Bjarni Fritzson 5, Halldór Logi Árnason, Heimir Örn Árnason, Hörður Fannar Sigþórsson og Oddur Gretarsson 2 mörk hver, Guðlaugur Arnarsson og Jóhann Gunnarsson 1 mark hvor. Hjá FH var Ásbjörn Friðriksson enn og aftur yfirburðamaður og skoraði 12 mörk. Lokaröð liðanna varð því: 1. FH 2. Akureyri 3. – 4. Fram 3. – 4. Valur 5. Grótta 6. Stjarnan Í mótslok voru veittar eftirfarandi viðurkenningar: Besti markvörðurinn: Hlynur Mortens Val Besti varnarmaðurinn: Guðlaugur Arnarsson Akureyri Besti sóknarmaðurinn: Ásbjörn Friðriksson Besti leikmaður mótsins: Bjarni Fritzson Akureyri Júlíus Jónasson tók við verðlaunum Hlyns Morthens besta markvarðar mótsins Guðlaugur Arnarsson besti varnarmaður mótsins Ásbjörn Friðriksson besti sóknarmaður mótsins Bjarni Fritzson var valinn besti leikmaður mótsins Smelltu hér til að sjá myndir frá mótinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson