Hvað sögðu menn eftir bikarleikinn?


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Atli telur sína menn eiga að geta betur		20. október 2010 - Akureyri handboltafélag skrifar Hvað sögðu menn eftir bikarleikinn? Að vanda voru þjálfarar og leikmenn liðanna teknir tali eftir leikinn. Við birtum hér viðtöl blaðamanna visis.is og mbl.is. Byrjum á viðtali Kristins Páls Teitssonar blaðamanns á visir.is við Atla Hilmarsson: Atli: Aðalatriðið er að komast áfram „Ég er ekkert sérstaklega ánægður með leikinn sem slíkan nema það að við börðumst áfram, kláruðum þetta undir lokin og erum komnir áfram“ sagði Atli Hilmarsson þjálfari Akureyri eftir 30-29 sigur í Digranesinu á HK í 32-liða úrslitum Eimskipsbikarsins. „Við vorum að spila svakalegan leik við Fram á laugardaginn meðan HK spilaði á fimmtudaginn þannig það var smá þreyta í þessu en við héldum þetta út. Við vorum stundum á hælunum og vantaði stundum léttleika í spil okkar og tel ég að leikurinn á laugardaginn spili inn í.“ Akureyringar byrjuðu leikinn vel og komust yfir og héldu forskotinu meginþorra fyrri hálfleiks fram að lokum þegar HK náðu forystunni. „Það er eitthvað nýtt að við byrjum vel, við höfum oft byrjað illa. Við lentum undir gegn HK í fyrstu umferð og Fram og Aftureldingu í hinum deildarleikjunum þannig ég er ánægður með byrjunina. Við vorum hinsvegar fljótir að missa þetta niður og HK voru mjög skynsamir í öllum aðgerðum sínum. Það var allt annað að sjá til HK liðsins hér í dag miðað við fyrstu umferðina enda sýnist mér við hafa kveikt í þeim og þeir vera með hörkulið.“ Akureyringar eru taplausir á tímabilinu og liðið virðist vera á góðri siglingu: „Við erum komnir á mjög góða siglingu en við eigum Íslands- og bikarmeistarana heima á föstudaginn og það er þriðji leikurinn á sex dögum en það væri frábært að kóróna þessa viku með sigri þar.“ Atli vildi þó ekki segja að það væru einhverjir óska mótherjar í næstu umferð: „Það eru engir óskamótherjar, ég vill helst fá heimaleik. Það eru allir leikir í bikarkeppni úrslitaleikir og maður þarf að taka andstæðinginn sem maður fær og spila,“ sagði Atli. Kristinn Páll Teitsson ræddi sömuleiðis við Odd Gretarsson eftir leikinn: Oddur: Erum með sjálfstraustið í botni „Þeir mættu brjálaðir til leiks, við vorum ekki með neitt vanmat enda vissum við að þeir væru búnir að vinna nokkra leiki í röð og úr varð hörkuleikur sem við erum ánægðir að klára,“ sagði Oddur Gretarsson leikmaður Akureyrar eftir 30-29 sigur í Digranesinu á HK í 32-liða úrslitum Eimskipsbikarsins. „Við erum með sjálftraustið í botni og góður mórall í hópnum og við stefnum á að fara með fullt hús stiga í fríið.“ Akureyringar byrjuðu leikinn vel og náðu forskoti en misstu HK fram úr sér rétt fyrir hálfleik. Þeir hinsvegar keyrðu á HK í seinni hálfleik og náðu forskoti um miðjan hálfleikinn sem HK náði aldrei. „Við náðum að keyra hraðaupphlaup mjög oft og vel og það skilaði sér. Við spiluðum góða vörn og markvarslan var mjög góð, með því færðu fleiri mörk.“ HK fengu lokafærið í leiknum gegn Akureyri sem voru manni færri en náðu ekki að nýta sér það. „Maður var svosem stressaður en við vorum ákveðnir að klára þetta, við náðum ekki að brjóta á þeim og þeir náðu skotinu en sem betur fer fór boltinn yfir en ekki hinu megin við slánna,“ sagði Oddur. Ívar Benediktsson blaðamaður Morgunblaðisns ræddi við Atla Hilmarsson: Atli: Ánægður með mína menn „Við vorum svolítið þungir og það var eins og vantaði léttleika í fyrri hálfleik. Ein ástæða er eflaust sú að við lékum hörkuleik á laugardaginn við Fram. Ég er einfaldlega mjög ánægður með að mínir menn héldu þetta út,“ sagði Atli Hilmarsson, þjálfari Akureyri handboltafélags, eftir að það vann HK, 29:28, í spennuleik í Digranesi í 32-liða úrslitum bikarkeppni HSÍ. „Næst þá tökum við á móti Haukum í deildinni og það væri til að kóróna góða viku ef okkur tekst að vinna þá,“ sagði Atli og bætti við að hann væri afar ánægður með að vera kominn með lið sitt í 16-liða úrslit bikarkeppninnar. „HK-liðið hefur bætt sig mikið. Það leikur af skynsemi og mér finnst það alveg koma til að það verði í toppbaráttu úrvalsdeildarinnar,“ sagði Atli Hilmarsson, þjálfari Akureyrar handboltafélags. Ívar Benediktsson ræddi sömuleiðis við Kristinn Guðmundsson, annan þjálfara HK eftir leikinn: Kristinn: Ekki hægt að biðja um meira „Það var ekkert hægt að biðja strákana um meira en þeir gerðu í þessum leik. Þess vegna er það blóðugt að tapa,“ sagði Kristinn Guðmundsson, annar þjálfara HK, eftir tapið fyrir Akureyri, 29:28, í 32-liða úrslitum bikarkeppninnar í handknattleik í kvöld. „Það komu hinsvegar kaflar í leikinn þar sem við gerðum okkur þetta allt saman óþarflega erfitt og það eru mörg smáatriði sem við þurfum að fara yfir og þau eru dýr þegar ekki munar nema einu marki þegar upp er staðið,“ sagði Kristinn ennfremur. HK tapaði með 12 marka mun fyrir Akureyri í fyrstu umferð úrvalsdeildarinnar í byrjun þessa mánaðar. Kristinn segir menn hafa lært mikið síðan þá og liðið hafi sýnt að það stóra tap var óhapp. „Við ætlum að halda áfram að bæta okkur og erum staðráðnir í að vinna Akureyringa einhvertíma á keppnistímabilinu. Það tókst ekki að þessu en við munum halda áfram að sækja fram veginn. Að undanförnu höfum við sýnt að við erum verðugir andstæðingar hvaða liðs sem er. Næsti leikur okkar er við FH í deildinni á laugardaginn. FH-ingar eru með afar sterkt lið og ef maður vill mæla sig við eitthvað lið úr deildinni þá er það FH eins og það leikur um þessar mundir,“ sagði Kristinn Guðmundsson, þjálfari karlaliðs HK í handknattleik. Við endum þetta á öðru viðtali við Kristinn þjálfara HK, að þessu sinni er það Kristinn Páll Teitsson blaðamaður visir.is sem tók viðtalið: Kristinn: Við ætlum ekki að vera sama liðið í allan vetur „Það er alltaf sárt að detta út úr bikarnum sama eins og allar aðrar keppnir, það er alltaf sárt að detta úr keppnum. Menn hljóta að fara í bikarkeppnina til að fara í höllina eins og maður fer í Íslandsmótið til að komast í úrslitakeppnina“ sagði Kristinn Guðmundsson þjálfari HK eftir tap sinna manna gegn Akureyri í kvöld. „Það eru mikil vonbrigði að tapa þessum leik, það skiptir engu máli hvaða lið þú færð í bikarnum því þú þarft að vinna alla leiki og því skiptir ekki máli hvort þú mætir sterkum liðum í 32-liða úrslitum eða undanúrslitum, þú þarft að vinna þá til að verða bikarmeistari.“ Þessi lið mættust í 1. umferð N1 deildarinnar og fóru Akureyringar með öruggan sigur þar á hólmi og virkaði það sem vítamínssprauta á HK. „ Það var rasskelling sem kveikti á okkur og gerði okkur grein fyrir því að við þyrftum að hafa rosalega fyrir hverjum einasta leik sem við spilum. Eftir það er ekki hægt að sakast um að við reynum ekki, við erum að berjast eins og ljón og mætum mótiveraðir í alla leiki sem við spilum. Við þurfum núna að fara yfir mistökin sem við gerðum í þessum leik og við þurfum að læra af þeim og bæta okkur. Við ætlum okkur ekki að vera sama lið í allan vetur, við ætlum að bæta okkur leik fyrir leik. Við skoðum hvað fór úrskeiðis í þessum leik og reynum að bæta úr því.“ HK enduðu báða hálfleikana vel en misstu Akureyri of langt fram úr sér um miðjan seinni hálfleik og náðu ekki að jafna. „Við ætluðum að halda áfram eftir að hafa náð forystu fyrir hálfleik, við hinsvegar klikkum þegar þeir ná forystunni. Við erum að taka óskynsamlegar ákvarðanir sóknarlega og reyna að klára færin of snemma. Á því nærist Akureyraliðið og ná forystu sem við náum ekki að brúa þótt við höfum verið nálægt hér undir lokin,“ sagði Kristinn.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson