Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Guðmundur Hólmar missti af leiknum í dag, vonum að hann nái bata sem fyrst

5. desember 2010 - Akureyri handboltafélag skrifar

Akureyri í undanúrslit bikarsins eftir stórsigur

Dagurinn byrjaði ekki vel fyrir Guðmund Hólmar Helgason, stórskyttu Akureyrarliðsins en hann meiddist í árekstri á leið á flugvöllinn í morgun. Við vonum að meiðsli hans séu ekki alvarleg en fyrir vikið varð hann eftir heima í dag.

Það var strax ljóst að getumunurinn á liðunum var mikill, Akureyri skoraði fyrstu fjögur mörk leiksins og þó að Víkingum tækist að minnka muninn niður í 6-8 áttu þeir aldrei raunhæfa möguleika á að stríða Akureyrarliðinu. Næstu fimm mörk voru Akureyrar staðan orðin 6-13 en munurinn í hálfleik fimm mörk 11-16 Akureyri í vil.
Vörnin stóð vel fyrir sínu og Bjarni Fritzson og Oddur Gretarsson skoruðu grimmt úr hraðaupphlaupum.

Akureyri tók síðan öll völd á vellinum í upphafi seinni hálfleiks. Eftir að hvort lið um sig hafði skorað eitt mark komu sjö Akureyrarmörk í röð og staðan orðin 12-24 og leikurinn í raun búinn þó að tuttugu mínútur væru til leiksloka.
Leikmenn fóru að leyfa sér allskonar hluti sem þeir myndu trúlega ekki grípa til undir öðrum kringumstæðum. Atli skipti öllum yngri leikmönnum liðsins inná og kláruðu þeir leikinn með stæl. Bergvin Gíslason skoraði fjögur mörk úr vinstra horninu, Daníel, Hlynur, Jón Heiðar og Halldór Logi sýndu að þeir eru tilbúnir að axla ábyrgð þegar þarf.


Hlynur Matthíasson lét mikið að sér kveða í leiknum í dag. Mynd: Stefán/visir.is

Sveinbjörn stóð vaktina í markinu af sinni alkunnu prýði en Stefán Guðnason lék síðasta korterið og var sömuleiðis frábær. Varði tvö vítaköst og er að verða einn helsti vítabaninn í íslenska boltanum.
Strákarnir skoruðu síðustu þrjú mörk leiksins sem lauk með sextán marka sigri 18-34.

Mörk Akureyrar: Bjarni Fritzson 12 (4 úr vítum), Oddur Gretarsson 8 (1 úr víti), Bergvin Þór Gíslason 4, Geir Guðmundsson 2, Heimir Örn Árnason 2, Hörður Fannar Sigþórsson 2, Daníel Örn Einarsson , Guðlaugur Arnarsson 1, Hlynur Elmar Matthíasson 1 mark og sömuleiðis Jón Heiðar Sigurðsson 1.

Sveinbjörn Pétursson varði 15 skot og Stefán Guðnason 8, þar af 2 vítaköst eins og áður segir.

Hjá Víkingum skoraði Benedikt Karl Karlsson 4 mörk, Brynjar Loftsson, Jón Hjálmarsson og Sverrir Hermannsson 3 mörk hver og aðrir minna.
Markverðir Víkinga vörðu samtals 9 bolta í leiknum.
Það verður fróðlegt að sjá hvaða lið verða í undanúrslitunum en þegar þetta er skrifað er Fram búið að tryggja sig áfram ásamt Akureyri.

Hægt er að skoða myndir frá leiknum á sport.is.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson