Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Sveinbjörn og Heimir stóðu fyrir sínu í kvöld

16. desember 2010 - Akureyri handboltafélag skrifar

Jafntefli í leik Hauka og Akureyrar

Það var sannkölluð dramatík í öllum leikjum umferðarinnar í kvöld. Haukar voru búnir að lofa beinni útsendingu frá leiknum en því miður þá brást sú von algjörlega og menn fengu ekkert nema svartan skjá með villuboðum í stað myndar frá leiknum. Við birtum hér umfjöllun Snorra Sturlusonar frá leiknum en hún birtist á sport.is.

Fyrri hálfleikurinn að Ásvöllum var býsna jafn og spennandi, en ólíkt höfðust þó liðin að. Varnarleikur beggja var reyndar með ágætum, Haukarnir spiluðu sína rómuðu 5+1 vörn sem á það til að hefta sóknarleik andstæðinganna svo að til þess er tekið og Akureyringar spiluðu sína árásargjörnu vörn sem truflar sendingar og sóknarflæði út í eitt. Sóknarleikur Akureyringa var hins vegar öllu frísklegri lengst af og norðanmenn létu reyna talsvert á Birki Ívar í Haukamarkinu. Birkir Ívar nærist á slíkum áskorunum og varði með miklum ágætum í fyrri hálfleik. Akureyrsku markverðirnir voru ekki í sama stuðinu, Sveinbjörn fann sig ekki framan af en Stefán Guðnason gerði ágætlega síðustu mínúturnar í hálfleiknum. Norðanmenn virtust um miðjan fyrri hálfleikinn ætla að síga fram úr, komust í 8-6 og 9-7, en Haukarnir jöfnuðu metin í 9-9 þegar fimm og hálf mínúta var eftir af hálfleiknum og liðin héldust í hendur fram að leikhléi. Í hálfleik var staðan 11-11.


Bjarni Fritzson skorar í leiknum

Barningur og barátta einkenndu síðari hálfleikinn engu síður en þann fyrri, varnarleikur beggja var á köflum rosalegur og hamagangurinn tók þann toll að handboltinn sem var spilaður var ekki alltaf ægifagur. Birkir Ívar varði eins og óður maður í marki Hauka og Sveinbjörn vaknaði til lífsins í hinu markinu. Hann gæti líklega þénað þolanlega á því að gefa út kennslumyndbandið „Staðsetningar handboltamarkmanns 101“. Haukarnir tóku á ágætan sprett og náðu þriggja marka forystu, 16-13, þegar ellefu mínútur voru liðnar af hálfleiknum og líklega hefur sælutilfinningin hríslast niður bakið á stuðningsmönnum þeirra rauðklæddu. Sælan var hins vegar skammvinn, það tók Akureyringa ekki nema rétt tæpar tvær mínútur að jafna metin og spennustigið var um það bil að buga mann og annan.


Guðlaugur Arnarsson fastur fyrir í vörninni að vanda


Það fer enginn í gegnum Heimi og Bergvin

Um tíma virtist sem menn ætluðu hreinlega að fara að heilsast að sjómannasið og brotum var mörgum hverjum fylgt full mikið eftir, en til allrar lukku var horfið frá öllum slíkum takteringum. Menn tókust á og spöruðu sig hvergi, sem er gott og blessað, og enn virtust Haukarnir ætla að ná tökum á leiknum þegar þeir komust tveimur mörkum yfir tæpum sjö mínútum fyrir leikslok, 20-18. Akureyringum var ekki skemmt og þeir skoruðu tvö næstu mörk og lokamínúturnar voru æsispennandi.


Geir er jafnan tekinn föstum tökum þegar hann ógnar markinu


Guðmundur Hólmar á flugi yfir Haukavörninni

Haukarnir voru skrefinu á undan en fengu undantekningalaust á sig mark nokkrum sekúndum eftir að þeir höfðu skorað, vörðust ekki hröðum miðjum Akureyringa. Guðmundur Árni sveif inn úr horninu þegar átta sekúndur voru til leiksloka og staðan jöfn, 23-23, en Sveinbjörn varði og dúndraði boltanum fram. Akureyringar tóku leikhlé í einum grænum og höfðu boltann síðustu fjórar sekúndurnar, en þær dugðu ekki til að koma skoti á markið og niðurstaðan varð því jafntefli, sem verða, miðað við allt og allt, að teljast nokkuð sanngjörn úrslit.


Sveinbjörn og Heimir voru mikilvægir að vanda

Markverðir liðanna voru frábærir í dag, Birkir Ívar varði eins og berserkur allan leikinn á meðan Sveinbjörn geymdi bestu atriði sinnar sýningar fram í síðari hálfleikinn og varnarleikur beggja liða var hrikalegur. Tjörvi, Guðmundur Árni og Þórður Rafn létu allir mikið að sér kveða í sókninni hjá Haukum; Tjörvi stýrði sóknarleiknum af myndarskap, skoraði góð mörk og Þórður Rafn kom með ógnun fyrir utan þegar á þurfti að halda. Þá reif Björgvin sig í gang með reglulegu millibili. Hinum voru Bjarni og Oddur í ágætum ham, Heimir stóð fyrir sínu eins og alltaf og skoraði dýrmæt mörk. Ungskytturnar Guðmundur Hólmar og Geir gerðu margt vel.

Mörk Hauka: Guðmundur Árni Ólafsson 5 (1 víti), Þórður Rafn Guðmundsson 5, Tjörvi Þorgeirsson 4, Björgvin Þór Hólmgeirsson 3, Jónatan Ingi Jónsson 2, Einar Örn Jónsson 2, Freyr Brynjarsson 1, Heimir Óli Heimisson 1.
Varin skot: Birkir Ívar Guðmundsson 21.

Mörk Akureyrar: Bjarni Fritzson 7 (2 víti), Heimir Örn Árnason 4, Oddur Grétarsson 4, Guðmundur Hólmar Helgason 3, Geir Guðmundsson 2, Guðlaugur Arnarsson 2, Bergvin Gíslason 1.
Varin skot: Sveinbjörn Pétursson 17, Stefán Guðnason 2.

Myndir: Hilmar Þór og eru fengnar á sport.is. Þar er hægt að skoða enn fleiri myndir frá leiknum.

Önnur úrslit kvöldsins voru að Valur vann Fram, FH vann HK og Afturelding vann Selfoss. Staðan í N1 deildinni er því sem hér segir en efstu fjögur liðin leika í deildarbikarnum milli jóla og nýárs.

Staðan í deildarkeppni karla
Nr. FélagLeikir  U  J  TMörkHlutfallStig-
1.  Akureyri11911326 : 2854119:3
2.  Fram11803372 : 3185416:6
3.  FH11704317 : 2972014:8
4.  Haukar11614282 : 278413:9
5.  HK11605341 : 354-1312:10
6.  Valur11407281 : 307-268:14
7.  Afturelding11209274 : 309-354:18
8.  Selfoss111010308 : 353-452:20
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson