Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Gulli lét heldur betur að sér kveða í varnarleiknum í kvöld

3. febrúar 2011 - Akureyri handboltafélag skrifar

Sigur á Valsmönnum í fyrsta leik eftir hlé

Akureyri styrkti stöðu sína á toppi N1 deildarinnar með sigri á Valsmönnum á meðan næstu lið töpuðu stigi. Nokkuð jafnræði var með liðunum í upphafi en mjög fljótlega tók Akureyrarliðið öll völd á vellinum. Munaði þar mestu að varnarleikurinn var gríðarlega öflugur og áttu Valsmenn einfaldlega engin svör gegn vörninni. Gulli átti stórleik og komust skyttur Valsmanna þeir Anton Rúnarsson og Alex Jedic ekkert áleiðis, vörnin hirti megnið af skotum þeirra. Fyrir vikið átti Sveinbjörn frekar náðugan dag í markinu.

Þessi frábæra vörn skilaði fjölmörgum hraðaupphlaupsmörkum sem þeir Oddur og Bjarni nýttu sér vel. Bjarni Fritzson lék sem hægri skytta í forföllum Geirs Guðmundssonar en Daníel Einarsson var í hægra horninu og átti frábæran leik í kvöld.
Akureyri leiddi með sjö mörkum 17 - 10 í hálfleik eftir glæsilegan fyrri hálfleik.


Sveinbjörn mæti til leiks á stuttbuxum og með nýja klippingu

Akureyrarliðið hikstaði í upphafi seinni hálfleiks, spurning hvort menn hafi ekki mætt af fullri einbeitingu eftir velgengnina í fyrri hálfleik. Þar við bættist að dómarar leiksins áttu fjölmarga vafasama dóma á þessum kafla þar sem allt féll með Valsmönnum auk þess sem Hlynur Morthens markvörður varði eins og berserkur úr dauðafærum. Þannig að eftir níu mínútna leik var munurinn aðeins þrjú mörk, 18 – 15 og Valsmenn komnir inn í leikinn að nýju.

Forysta Akureyrarliðsins hélst þó lengst af fjögur mörk en stóri munurinn á milli hálfleikjanna var frábær markvarsla hjá Hlyni og framganga Ernis Hrafns Arnarssonar sem virtist geta skorað þegar hann langaði. Þá átti Heiðar Þór Aðalsteinsson góðan leik og var drjúgur við að skora úr hraðaupphlaupum.

Hlynur hélt uppteknum hætti í marki Valsmanna og þegar fimm mínútur voru eftir var munurinn kominn niður í tvö mörk 24-22. En strákarnir stóðu fyrir sínu, sérstaklega má nefna flottan leik hjá Daníel Einarssyni á lokamínútunum en þá skoraði hann tvö mörk. Auk þess sýndi Daníel gríðarlega yfirvegun þegar hann náði sóknarfrákasti í horninu en í stað þess að fara sjálfur inn úr þröngu færi sendi hann boltann þvert yfir teiginn þar sem Oddur Gretarsson var einn og yfirgefinn og innsiglaði sigur heimamanna með öruggu marki.

Fyrri hálfleikurinn var sérstaklega vel leikinn af hálfu Akureyrarliðsins en síðan virtust menn ekki koma alveg af fullum krafti í seinni hálfleikinn og fyrir vikið hleyptu þeir Valsmönnum óþarflega mikið inn í leikinn aftur.

Mörk Akureyrar: : Bjarni Fritzson 6 (eitt víti), Oddur Gretarsson 6, Heimir Örn Árnason 5, Hörður Fannar Sigþórsson 4, Daníel Einarsson 4, Guðmundur Hólmar Helgason 3.

Varin skot: 
Sveinbjörn Pétursson varði 18 skot en hann stóð í markinu allan tímann utan þess að Stefán Guðnason reyndi við tvö vítaköst en hafði ekki árangur sem erfiði að þessu sinni.

Mörk Vals: Hjá Val var Ernir Hrafn Arnarsson yfirburðamaður með 10 mörk, Orri Freyr Gíslason 5, Sturla Ásgeirsson 4, Heiðar Þór Aðalsteinsson 4, Einar Örn Guðmundsson, Jón Björgvin Pétursson og Alex Jedic 1 mark hver.

Í markinu varði Hlynur Morthens 16 skot, langflest í seinni hálfleik.

Guðlaugur Arnarsson var valinn maður leiksins hjá Akureyri en Hlynur Morthens hjá Val. Þeir fengu að venju matarkörfu frá Norðlenska að launum.


Guðlaugur, maður leiksins með matarkörfuna frá Norðlenska

Skoða myndir Þóris Tryggvasonar frá leiknum.

Önnur úrslit kvöldsins urðu þau að Fram og FH gerðu jafntefli, sömuleiðis Haukar og Selfoss en HK vann þriggja marka sigur á Aftureldingu. Eftir leikina er staðan í N1 deildinni sem hér segir:

Staðan í deildarkeppni karla
Nr. FélagLeikir U J TMörkHlutfallStig-
1. Akureyri1210/td>11354 : 3114321:3
2. Fram12813398 : 3445417:7
3. FH12714343 : 3232015:9
4. HK12705367 : 377-1014:10
5. Haukar12624307 : 303414:10
6. Valur12408307 : 335-288:16
7. Afturelding122010297 : 335-384:20
8. Selfoss121110333 : 378-453:21


Skoða myndir og umfjöllun um leikinn á sport.is.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson