Sala stuðningsmannaskírteina 2011-2012 er hafin

Eins og undanfarin ár eigum við því láni að fagna að eiga öflugan hóp dyggra stuðningsmanna sem mynda svonefndan stuðningsmannaklúbb. Stuðningsmannaskírteinin eru nú komin í sölu, bæði er hægt að kaupa eða panta skírteini hjá einstökum leikmönnum liðsins eða panta skírteini hér á vefnum.

Stuðningsmannaskírteinið er aðgöngumiði á alla heimaleiki liðsins í N1 deildinni og einnig að stuðningsmannaherberginu sem opnar klukkutíma fyrir leik en þar er boðið upp á heitan mat og ýmsar veitingar. Í hálfleik eru kaffiveitingar og loks koma menn saman eftir leik með leikmönnum og ræða gang mála.



Ákveðin sæti í stúkunni eru frátekin fyrir félagsmenn auk þess er skírteinið númerað enda geta félagsmenn átt von á því að dregið verði í happadrætti á heimaleikjum þar sem góðir vinningar eru í boði.

Að þessu sinni kostar skírteinið 20.000 krónur boðið er upp á nokkrar greiðsluleiðir auk þess sem hægt er að semja um raðgreiðslur ef það hentar. Eins og áður segir er sala kortanna í höndum leikmanna en einnig er hægt að kaupa skírteini á heimaleikjum eða leggja inn pöntun hér á heimasíðunni.

Við hvetjum áhugasama til að verða sér úti um skírteinin tímanlega til að nýta aurinn sem best en fyrsti heimaleikur Akureyrar Handboltafélags er fimmtudaginn 29. september þegar við fáum FH í heimsókn.

Smelltu hér eða á myndina til að panta stuðningsmannaskírteini.