Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Flott byrjun hjá Hömrunum

29. september 2013 - Akureyri handboltafélag skrifar

Hamrarnir hófu deildarkeppnina með sigri - myndir

Það var sögulegur leikur hjá Hömrunum á laugardaginn þegar þeir léku sinn fyrsta leik í 1. deildinni. Sterkt samband er á milli Hamranna og Akureyrar Handboltafélags enda eru allnokkrir leikmenn úr æfingahópi Akureyrar á láni hjá Hömrunum auk þess sem margir leikmenn úr 2. flokki Akureyrar spreyta sig með Hömrunum og fá þannig dýrmæta reynslu. Þá voru nokkur gamalkunnug andlit í leikmannahópnum sem hafa tekið fram skóna og sýndu að þeir kunna ýmislegt fyrir sér.


Þorvaldur þjálfari fer yfir málin í leikhléi. Myndir: Sævar Geir Sigurjónsson

Í þessum fyrsta deildarleik mættu Hamrarnir Þrótti frá Reykjavík og var leikið í KA heimilinu. Þróttarar voru sterkari aðili leiksins til að byrja með en leikur Hamranna slípaðist eftir því sem á leið og Hamrarnir leiddu með einu marki, 11-10 í hálfleik.


Friðrik Svavarsson fagnar marki

Hamrarnir náðu mest fimm marka forskoti í seinni hálfleik en slökuðu í kjölfarið fullmikið á og Þróttarar gengu á lagið og minnkuðu muninn jafnt og þétt. Það var einkum stórbrotin markvarsla Stefáns Guðnasonar á lokamínútunum sem kom í veg fyrir að Þróttur næði að jafna leikinn.


Stefán Guðnason fór mikinn undir lokin

Að lokum fóru Hamrarnir með tveggja marka sigur, 28-26 og innbyrtu þar með sín fyrstu stig í deildinni og ljóst að þeir eru til alls líklegir í vetur.

Mörk Hamranna: Róbert Sigurðsson 7, Friðrik Svavarsson 4, Garðar Már Jónsson 3, Guðmundur Hermannsson 3, Óðinn Stefánsson 3, Birkir Guðlaugsson 3, Halldór Tryggvason 2, Heiðar Þór Aðalsteinsson 2, Goran Gusic 1.

Mörk Þróttar: Hörður Óskarsson 9, Birkir Guðbjörnsson 4, Leifur Jóhannesson 3, Einar Ólafsson 3, Guðni Siemsen 3, Þorlákur Sigurjónsson 2, Styrmir Sigurðsson 2.

Hér á eftir fer viðtal Siguróla Sigurðssonar við Þorvald Þorvaldsson, þjálfara Hamranna en það birtist á sport.is:


Hér er einnig hægt að skoða ljósmyndir Þóris Tryggvasonar frá leiknum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson