
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Mikilvægur leikur

19. mars 2014 - Akureyri handboltafélag skrifar

Næstsíðasti heimaleikur Akureyrar í deildinni

Vegna ófærðar hefur leik Akureyrar og Vals sem vera átti í kvöld, fimmtudag, verið frestað og raunar frestað aftur. Nýjasta tímasetning á leiknum er nú klukkan 19:30 á morgun, laugardag og verður leikið í KA-heimilinu.

Það er komið að næstsíðasta heimaleik Akureyrar í Olís-deildinni á föstudaginn þegar Valsmenn mæta í heimsókn. Valsmenn eru í þriðja sæti deildarinnar en þeir hafa verið á mikilli siglingu seinni hluta tímabilsins og unnið sex af síðustu sjö leikjum, flesta býsna örugglega.

Valsliðið er mjög vel mannað og eins og kunnugt er fara þar fremstir í flokki frændurnir Guðmundur Hólmar Helgason og Geir Guðmundsson sem gengu til liðs við Hlíðarendaliðið í sumar. Það er ekki ofsagt að þeir séu fremstir í Valsliðinu því þeir eru langmarkahæstir leikmanna Vals, Guðmundur Hólmar með 84 mörk og Geir með 79 eftir sautján leiki í deildinni. Þar næstir eru Sveinn Aron Sveinsson með 68 mörk og Finnur Ingi Stefánsson með 50 mark.

Í síðasta leik tóku Valsmenn ÍR-inga með sjö marka mun, þar var Geir markahæstur með 10 mörk og Finnur Ingi með 8 mörk. Þar á undan lék Valur við HK og vann sömuleiðis með sjö mörkum þar sem Gummi og Geir voru markahæstir með 8 mörk hvor.

Guðmundur og Geir heilsa áhorfendum í Höllinni

Liðin mættust síðast hér í Höllinni 30. janúar í vægast sagt kaflaskiptum leik. Akureyri byrjaði þann leik með miklum látum og virtist hafa leikinn í hendi sér eftir að hafa náð 10-4 forystu. Þar með fór allt á versta veg hjá Akureyri og Valsmenn hreinlega völtuðu yfir heimamenn og unnu að lokum átta marka sigur, 18-26.
Leikmenn Akureyrar hafa fullan hug á að bæta fyrir þann leik enda eru stigin sem í boði eru afar mikilvæg í baráttunni fyrir að sleppa við að lenda í umspili um fall.
Valsmenn hafa að sjálfsögðu áhuga á stigunum líka en þeir eru í baráttu um sæti í úrslitakeppninni.

Síðustu tveir heimaleikir Akureyrar í Olís-deildinni voru magnaðir, sigrar gegn ÍR og FH þar sem áhorfendur fengu svo sannarlega magnaða leiki. Það er því full ástæða til að mæta í KA-heimilið á laugardaginn, það er svo sannarlega mikið í húfi.

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson