Háspennusigur á Víkingum í kvöld


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Tomas var maður leiksins lokaði markinu undir lok leiksins		3. desember 2015 - Akureyri handboltafélag skrifar Háspennusigur á Víkingum í kvöld Það var vitað að það yrði ekkert gefið eftir þegar Akureyri tók á móti Víkingum í kvöld. Víkingar ósigraðir í síðustu þrem leikjum í mikilli þörf fyrir stigin sem voru í boði og heimamenn sömuleiðis í þörf fyrir fleiri stig. Á upphafsmínútunum gekk allt í haginn hjá Víkingum á meðan Akureyringar virkuðu óöruggir í sínum aðgerðum. Víkingar komust í 3-0 en þá fóru hlutirnir að ganga hjá heimamönnum. Víkingar þó með frumkvæðið í leiknum og náðu að byggja upp fimm marka forskot 10-15 undir lokin en Akureyri skoraði síðustu þrjú mörk hálfleiksins þannig að hálfleiksstaðan var viðráðanleg 13-15. Bergvin Þór, Andri Snær, Hörður og Sigþór Árni voru allir komnir með þrjú mörk og Halldór Logi eitt. Markvarslan hefur oft verið betri en hún var í fyrri hálfleiknum, Hreiðar Levý með 5 skot og Tomas með tvö. Það sem vakti þó mesta athygli að Akureyrarvörnin náði algjörlega að halda stórskyttu Víkinga, Karolis Stropus niðri þannig að hann skoraði ekki mark í hálfleiknum. Halldór Logi Árnason þurfti að hafa fyrir markinu sínu í fyrri hálfleiknum Seinni hálfleikurinn hófst með látum og eftir tíu mínútna leik hafði Akureyri jafnað leikinn í 17-17. Raunar skoraði Akureyri á þessum kafla fimm mörk í röð þegar staðan fór úr 15-17 í 20-17 og heimamenn virtust í góðum málum. Raunar hefði munurinn átt að vera orðinn meiri en á þessum kafla féllu nokkrir afskaplega vafasamir dómar Víkingum í vil og létu áhorfendur álit sitt duglega í ljósi. En Víkingar voru ekki af baki dottnir og jöfnuðu leikinn í 20-20 þegar sex og hálf mínúta var eftir. Þær mínútur voru vægast sagt spennuþrungnar. Mörkin komu ekki beint á færibandi en Akureyri ávallt á undan að skora. Hörður Másson kom Akureyri í 23-22 þegar rúm mínúta var eftir, Daníel Örn Einarsson, fyrrum leikmaður Akureyrar og besti maður Víkinga í kvöld fékk úrvalsfæri í hægra horninu en lukkan var með heimamönnum því skot Daníels fór í stöng og Akureyri fékk frákastið. Bergvin virtist vera að gulltryggja tveggja marka sigur Akureyrar 30 sekúndum fyrir leikslok þegar hann splundraði Víkingsvörninni og lagði boltann í netið. En í sömu andrá var flautað til leikhlés þannig að markið stóð ekki. Lokasókn Akureyrar gekk ekki upp þannig að Víkingar fengu tækifæri til að jafna leikinn og svo virtist sem stórskyttu þeirra Karolis Stropus ætlaði að takast það en þrumuskot hans stefndi upp í samskeytin. En Tomas nokkur Olason sem hafði átt magnaðan leik í seinni hálfleiknum varði meistaralega og tryggði þar með eins marks sigur og dýrmæt stig í hús. Já þetta var sannkallaður háspennuleikur og óhætt að segja að áhorfendur hafi fengið töluvert fyrir peninginn í kvöld. Akureyrarliðið sýndi styrk í seinni hálfleiknum með því að snúa leiknum sér í vil, vissulega gekk á ýmsu í leiknum. Áfram tókst að halda aftur af stórskyttunni Karolis Stropus sem fékk ekki mikinn frið til að bomba á markið og þau skot sem komust í gegn tók Tomas í markinu. Í sókninni fóru býsna margir boltar í tréverkið og þá hafa hornin og línan oft gefið fleiri mörk en í dag. Hörður Másson var gríðarlega mikilvægur líkt og í síðustu leikjum og Bergvin sömu leiðis drjúgur. Mörk Akureyrar: Hörður Másson 5, Andri Snær Stefánsson 4 (öll úr vítum), Bergvin Þór Gíslason 4, Sigþór Árni Heimisson 4, Halldór Logi Árnason 2, Heiðar Þór Aðalsteinsson 2, Ingimundur Ingimundarson 1 og Kristján Orri Jóhannsson 1 mark. Tomas Olason varði 10 skot og Hreiðar Levý Guðmundsson 5. Mörk Víkings: Jóhann Reynir Gunnlaugsson 6 (3 úr vítum), Atli Karl Bachmann og Daníel Örn Einarsson 5 hvor, Atli Hjörvar Einarsson 2, Karolis Stropus 2 (1 úr víti), Bjartur Guðmundsson og Ægir Hrafn Jónsson sitt markið hvor. Einar Baldvin Baldvinsson varði 10 skot og Magnús Gunnar Erlendsson 5 skot. Daníel Örn Einarsson og Tomas Olason voru í leikslok valdir bestu menn sinna liða og fengu matarkörfuna frá Norðlenska að launum. Akureyri á eftir þrjá leiki fram að jólum, útileik gegn ÍBV á mánudaginn en það er frestaður leikur úr fyrstu umferð, laugardaginn 12. desember er útileikur gegn Gróttu og lokaleikurinn verður 17. desember en þá mætir ÍBV hingað norður.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson