Síðasti útileikur ársins er gegn Haukum á laugardag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Hvað gerist í Schenkerhöllinni á laugardaginn?		8. desember 2016 - Akureyri handboltafélag skrifar Síðasti útileikur ársins er gegn Haukum á laugardag Á laugardaginn lýkur fimmtándu umferð Olísdeildar karla þegar Akureyri heldur í Hafnarfjörðinn og mætir þar ríkjandi Íslandsmeisturum Hauka. Þetta er jafnframt síðasti útileikur Akureyrar á árinu en reyndar er einn heimaleikur eftir, gegn Fram laugardaginn 17. desember. Bæði Haukar og Akureyri hafa verið á góðu róli í síðustu leikjum eftir erfiða byrjun á deildinni. Þannig hafa Haukar unnið síðustu sjö deildarleiki sína, flesta afar sannfærandi en lentu reyndar í töluverðu basli í síðasta leik gegn Fram en höfðu að lokum tveggja marka sigur, 30-32. Þar á undan unnu þeir fimm marka sigur á Val, tíu marka sigur á Selfossi, átján marka sigur á Aftureldingu og átta marka sigur á ÍBV. Þannig að þeir hafa svo sannarlega farið hamförum. Viðsnúningur Haukaliðsins hófst raunar þegar þeir mættu Akureyri hér fyrir norðan þann 5. september. Það var reyndar hörkuleikur þar sem Janus Daði Smárason átti stórleik og var fyrst og fremst maðurinn á bak við þriggja marka sigur Hauka. Janus Daði skoraði 9 mörk í þeim leik og Guðmundur Árni Ólafsson 7. Janus Daði reyndist Akureyrarliðinu gríðarlega erfiður í í síðasta leik Þeir félagar eru einmitt markahæstu leikmenn Haukaliðsins í deildinni, Guðmundur Árni með 86 mörk og Janus Daði með 82. Þar á eftir koma Adam Haukur Baumruk með 79 og Daníel Þór Ingason með 65 mörk. Janus Daði skoraði einmitt 11 mörk í síðasta leik Hauka gegn Fram en Guðmundur Árni sömuleiðis 11 mörk gegn Val. Það er hins vegar unga skyttan Daníel Þór Ingason sem hefur heldur betur minnt á sig í síðustu leikjum, hann skoraði 7 mörk gegn Fram og 8 gegn Val. Það er greinilegt að spámaður fimmeinn.is hefur ekki mikla trú á að Akureyri geri miklar rósir gegn Haukunum því hann spáir átta marka sigri Hauka í leiknum. Við skulum hins vegar spyrja að leikslokum. Þeir stuðningsmenn Akureyrar sem verða á höfuðborgarsvæðinu á laugardaginn ættu að bregða sér í Hafnarfjörðinn og styðja strákana, leikurinn hefst klukkan 16:00. Fyrir þá sem ekki eiga kost á því að mæta á leikinn treystum við á að HaukaTV sýni leikinn en þeir hafa yfirleitt sýnt frá heimaleikjum Hauka. Við fylgjumst með því hér á síðunni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson