Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir eiga góðar minningar frá viðureignum sínum gegn Val

9. desember 2016 - Akureyri handboltafélag skrifar

Leikur dagsins: Útileikur Akureyri U gegn Val U

Það er komið að leikdegi hjá Ungmennaliði Akureyrar í 1. deild karla. Strákarnir halda suður í Valshöllina og leika við Ungmennalið Vals en leikurinn hefst klukkan 19:30. Akureyrarliðið var raunar á sama velli um síðustu helgi þegar strákarnir mættu Olísdeildarliði Vals í bikarkeppninni og stóðu sig frábærlega.

Eins og staðan er í augnablikinu er Valur U í sjöunda sæti deildarinna með 10 stig eftir ellefu leiki en Akureyri U er í 9. sæti með sex stig en liðið hefur aðeins leikið níu leiki. Það má því segja að staða liðanna sé ekki ósvipuð, bæði hafa tapað 12 stigum.

Liðin mættust hér í Íþróttahöllinni í fyrstu umferð deildarinnar og þar fór Akureyri U með býsna sannfærandi sex marka sigur, 29:23. Í þeim leik var Sveinn José Rivera lang markahæstur Valsmanna með 8 mörk.

Líkt og hjá Akureyri U hafa fjölmargir leikmenn komið við sögu hjá Val U en þegar skoðuð er markaskorun liðsins þá hafa eftirtaldir verið atkvæðamestir: Bjarni Ófeigur Valdimarsson 50, Sigurvin Jarl Ármannsson 38, Alexander Jón Másson 30, Sveinn José Rivera 29 og Þorgils Jón Svölu Baldursson 27.

Við sendum strákunum baráttukveðjur í leikinn sem hefst eins og áður segir klukkan 19:30 í Valshöllinni. Eins og alltaf er ástæða til að hvetja þá sem geta til að mæta á leikinn, það skiptir strákana gríðarlega miklu máli að finna stuðninginn úr stúkunni. Svo vonum við bara að ValsTV verði á staðnum og sýni leikinn, þeir hafa verið duglegir að sýna heimaleiki Vals, við munum fylgjast með og vísa á útsendinguna hjá þeim ef af verður.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson