Glæsilegur sigur á Aftureldingu


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Bergvin Þór Gíslason fór á kostum í seinni hálfleiknum og var maður leiksins		2. mars 2017 - Akureyri handboltafélag skrifar Glæsilegur sigur á Aftureldingu Akureyri og Afturelding mættust í KA heimilinu í kvöld og óhætt að segja að leikurinn hafi verið báðum liðum afar dýrmætur. Akureyri í baráttu á botninum en Afturelding í harðri baráttu um toppsæti deildarinnar. Akureyri tók völdin á vellinum strax í upphafi, lék kraftmikla vörn með Sverre Andreas Jakobsson í hjarta varnarinnar í fjarveru Róberts Sigurðarsonar sem tók út leikbann. Á bak við varnarmúrinn var Tomas Olafsson í ham og varði fyrstu fjögur skotin sem komu á markið. Tomas Olason átti stórleik í markinu og lokaði á löngum köflum Sóknin gekk fínt á meðan og komst Akureyri í 3-0 áður en Afturelding komst á blað. Afturelding komst þó í takt við leikinn, jafnaði í 5-5 og komst raunar yfir í 5-6 og 6-7 en Akureyri jafnaði jafnharðan og náði tveggja marka forskoti. Afturelding átti lokamark fyrri hálfleiksins þegar þeir jöfnuðu í 10-10 um leið og flautað var til hálfleiks. Tomas varði frábærlega í fyrri hálfleiknum, var kominn með 11 varin skot á meðan að Igor og Kristján Orri voru með þrjú mörk hvor í sókninni. Akureyri hóf seinni hálfleikinn með látum og eftir átta mínútna leik var staðan orðin 15-11. Bergvin Þór Gíslason sem hafði hægt um sig í markaskorun fyrri hálfleiksins hrökk heldur betur í gang og réðu Mosfellingar ekkert við hann. Fjögurra marka munurinn hélst áfram og þegar seinni hálfleikurinn var hálfnaður var staðan 20-16. Bergvin var þá kominn með fimm mörk í seinni hálfleiknum og hvergi nærri hættur. Bergvin Þór við það að sleppa í gegnum vörn Mosfellinga Þennan mun náði Afturelding aldrei að brúa, Beggi bætti við tveim mörkum í viðbót og Mindaugas tók góðan þriggja marka sprett. Afturelding freistaði þess að brjóta upp leikinn með því að leika með aukamann í sókninni en Akureyrarvörnin stóð það vel af sér. Undir lok leiksins reyndi Afturelding að spila maður á mann í vörninni en því var svarað með því að setja Igor á miðjuna og hann reyndist betri en enginn, snöggur og útsjónarsamur og bætti við tveim síðustu mörkum Akureyrarliðsins. Igor Kopyshynskyi með eitt af fimm mörkum sínum í leiknum Það voru hins vegar Mosfellingar sem áttu síðustu sókn og mark leiksins þegar þeir minnkuðu muninn í þrjú mörk, 29-26 sem urðu lokatölur leiksins. Býsna öruggur og sanngjarn sigur Akureyrar sem lék hér einn af sínum betri leikjum á tímabilinu. Tomas var afar stöðugur í markinu og Bergvin Þór hreint ótrúlegur í seinni hálfleiknum. Sverre stjórnaði vörninni af mikilli röggsemi og festu og var ekki að sjá að hann væri að koma inná eftir tveggja ára hlé. Elvar Ásgeirsson í öflugum hrömmum Sverre Mörk Akureyrar: Bergvin Þór Gíslason 8, Igor Kopyshynskyi 5, Kristján Orri Jóhannsson 5 (1 úr víti), Mindaugas Dumcius 4, Andri Snær Stefánsson 2, Friðrik Svavarsson 2, Arnþór Gylfi Finnsson 1, Brynjar Hólm Grétarsson 1 og Sigþór Árni Heimisson 1 mark. Tomas Olason stóð í markinu allan tímann og varði 18 skot. Mörk Aftureldingar: Árni Bragi Eyjólfsson 8 (4 úr vítum), Elvar Ásgeirsson 7, Kristinn Hrannar Elísberg Bjarkason 3, Mikk Pinnonen 3, Ernir Hrafn Arnarson 2, Gestur Ólafur Ingvarsson 1, Gunnar Kristinn Malmquist Þórsson 1 og Jón Heiðar Gunnarsson 1 mark. Kristófer Fannar Guðmundsson varði mark Mosfellinga allan leikinn og stóð sig með prýði, 16 skot varin.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson