Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Jarmila Kucharska stóð milli stanganna tveggja

9. september 2006 - SMS skrifar 

Sjallamót kvenna: Haukar of stór biti fyrir okkar stelpur

Reynslumikið Haukaliðið valtaði hreinlega yfir Akureyri með Hörpu Melsted fremsta í flokki og á hennar hæla komu þrír virkilega flinkir útlendingar. Mikið jafnræði var með liðunum til að byrja með og kom það virkilega á óvart, Haukastúlkur spiluðu agressíva 3-3 vörn sem gekk mest út á það að trufla okkur. Við spiluðum okkar flötu 6-0 vörn til að byrja með sem gekk vel. Byrjunarliðið var það sama og venjulega.

Leikurinn var mjög jafn eins og áður sagði fyrstu 12 mínúturnar en staðan var 2-2, 3-3, 4-4 og svo 5-5, þá klikkuðu bæði lið nokkrum sóknum í röð en málið var með Hauka að þær héldu áfram að brosa en við misstum okkur í svekkelsi. Á þessum tímapunkti fóru stelpurnar að skamma hverja aðra og taka óskynsamlegar ákvarðanir. Haukar skora 8 mörk í röð og gera út um leikinn. Staðan var 5-12 í hálfleik og skoruðu þær svo fyrsta markið í seinni hálfleik. Þá virðist eins og Akureyri Handboltafélag ætli að vakna til lífsins og skora þær þrjú mörk í röð og breyta stöðunni í 8-12 en lengra komust þær ekki. Þarna eru tæpar 15 mínútur eftir af seinni hálfleik og skora þær aðeins fjögur mörk í viðbót í leiknum. Leikurinn endar svo 12-24, dapur leikur en alltof stórt tap. Haddur og Einvarður gáfu vissulega leikmönnum sem höfðu vermt bekkinn um helgina sénsinn í restina en það á ekki endilega að auka forskot Hauka.

Greinilegt að reynslan spilaði inní í dag, Akureyrar liðið þurfa aðeins að stilla saman strengi fyrir fyrsta deildarleik sem er 26. september gegn Haukum að Ásvöllum, þá vil ég ekki sjá 12 marka tap. Spilamennska liðsins yfir helgina er í heildina ekki mjög góð og eins og með karlaliðið er hún mjög kaflaskipt. Liðið spilar 3 virkilega góða kafla á mótinu sem samsvara svona 35 mínútum, sirka 12 mínútur á leik sem þær spiluðu virkilega vel en náðu aldrei að fylgja því eftir. Vissulega vantaði Ingu Dís og Auði og það verður gaman að hafa breidd í vetur sem á eftir að fleyta þessu liði lengra en í fyrra.

Markaskorun fyrir þennan leik skiptist aðeins jafnar á liðið en í leikjum áður. Enn einu sinni var Þórsteina markahæst með 4 mörk úr 7 skotum, næst kom Ester Óskarsdóttir með 2 mörk úr 5 skotum. Svo voru það Erla Hleiður, Guðrún Tryggva, Jóhanna, Þórdís, Ester Vilhelmsdóttir og Emilía sem skoruðu allar eitt mark hver.
Unnur Ómarsdóttir, yngri systir Auðar kom við sögu í þessum leik og spilaði þar með sinn fyrsta meistaraflokksleik. Þetta voru einnig fyrstu leikir Emilíu með meistaraflokki. Einnig komu Harpa Baldursdóttir og Guðrún Linda inná en náðu því miður ekki að setja mark sitt á leikinn.
Jarmila Kucharska stóð vaktina í markinu lengst af og varði 8 bolta en Elísabet kom svo inná og varði einn bolta, markvarslan fékk virkilega að líða fyrir lélega vörn í seinni hálfleik. Gaman var þó að sjá að Guðrún Tryggva og Ester Óskars voru báðar með 3 stolna bolta í vörninni gegn Haukum og lofar það góðu fyrir komandi vetur, en þess má geta að allir þessir boltar voru unnir á fyrstu 25 mínútum leiksins.

Að lokum vil ég óska Haukum til hamingju með Sjallamótsmeistaratitilinn, en unnu þær alla leiki sína um helgina frekar öruggt.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson