Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Hreiðar getur ekki leikið fyrstu leikina vegna meiðsla en hvernig mun Akureyri koma til leiks eftir 5 daga?

25. september 2006 - SÁ skrifar 

5 dagar í fyrsta leik!

DHL-deild karla hefst á miðvikudaginn með tveimur leikjum. Okkar lið, Akureyri Handboltafélag, hefur leik á laugardaginn næsta eða eftir fimm daga. Liðið mætir þá Val í Laugardalshöll sem var spáð Íslandsmeistaratitli í vetur af þjálfurum, formönnum og fyrirliðum liða deildarinnar. Fyrsti heimaleikur Akureyrar er laugardaginn eftir það, 7. október, gegn ÍR í KA-Heimilinu.

Margt hefur gerst í handboltanum á Akureyri í sumar en eins og allir vita sameinuðust KA og Þór. Nýtt handboltalið spilar því frá Akureyri. Rúnar Sigtryggsson og Sævar Árnason, þjálfarar liðanna í fyrra, voru ráðnir þjálfarar nýja liðsins, Akureyri. Hópurinn samanstendur mestmegnis af leikmönnum sem léku í KA og Þór í fyrra. Við hópinn hefur þó bæst miðjumaðurinn Alexey Kuzmins sem lék með Aftureldingu seinasta tímabil. Aðrir leikmenn í liði Akureyrar voru leikmenn KA eða Þórs í fyrra.

Hins vegar hafa margir leikmenn sem léku með liðunum seinasta vetur horfið á braut. Jónatan Magnússon fyrirliði KA í fyrra fór til St. Raphael í Frakklandi. Ungir leikmenn eins og Arnór Gunnarsson (til Vals) hafa farið sem og Ólafur Sigurgeirsson (ÍR), Guðmundur Traustason (Fylkir) og Ragnar Snær Njálsson (HK). Þá hafa reyndir menn eins og Rögnvaldur B. Johnsen, Hafþór Einarsson, Sindri Haraldsson, Bjartur Máni Sigurðsson, Atli Ragnarsson og Þorvaldur Sigurðsson einnig horfið á braut.

Akureyri var núna fyrr í dag spáð 6. sæti í árlegri spá fyrir tímabilið. Það kemur ekki á óvart enda liðið algjörlega nýtt og hefur að auki misst lykilmenn frá seinasta ári. Aftur á móti þá á vel að vera hægt að búa til fínt lið úr þeim sem eftir eru úr leikmannahópur KA og Þór sem luku leik í 6. og 12. sæti í DHL-deildinni í fyrra. Spurningin er bara hvernig liðið nær að spila saman og hvort alvöru liðsandi komi upp í liðinu en það er algjört frumskilyrði á árangur.

Liðið byrjaði náttúrulega algjörlega frá grunni í sumar og var það auðvitað fyrsta verkefni að búa til lið og liðsanda. Rúnar og Sævar lögðu strax áherslu á það og hefur verið að vinna í því að hópinn saman frá því. Fyrstu æfingaleikirnir gengu ekkert sérstaklega en fyrst tapaði liðið stórt fyrir Ajax frá Danmörku. Í kjölfarið fylgdu svo tvö önnur töp en menn vildu þó meina að ferðin hefði nýst vel enda fékk liðið þarna tíma saman.

Sjallamótið fór fram í byrjun mánaðarins og spilaði liðið þar misjafnlega. Kaflaskiptur leikur var svolítið einkennandi. Sigur, jafntefli og tap voru staðreynd í þremur leikjum á mótinu og 3. sætið Akureyrar. Spilamennskan sveiflukennd en þótti hún betri en í Danmörku og þótti liðið á uppleið.

Um seinustu helgi lék liðið svo þrjá æfingaleiki. Fyrst tapaði liðið fyrir Haukum þar sem hálfleikirnir voru gríðar kaflaskiptir. Daginn eftir fylgdu tveir stórsigrar gegn Víkingi/Fjölni og Fylki. Liðið sýndi um helgina jákvæða hluti en aðalspurningin er eftirfarandi; Er lið Akureyrar komið nógu langt fyrir Íslandsmótið í ár? Svarið við þeirri spurningu verður ljóst eftir fimm daga þegar fyrsta alvöru test liðsins verður.

Erfitt verður er að mínu mati að nefna einhvern einn sem ætti að verða lykilmaður í liðinu í vetur. Beinast liggur við að nefna markmanninn Hreiðar Levý Guðmundsson sem er þó meiddur eins og er. Nái Hreiðar toppformi í vetur er hann ekki bara að fara á HM í Þýskalandi með landsliðinu heldur verður hann einnig besti markmaður deildarinnar. Sóknarlega er kannski enginn einn sem þetta veltur á. Liðið er með margar ógnir og þurfa leikmenn eins og Magnús Stefánsson, Hörður Fannar Sigþórsson og Alexey Kuzmins að stíga upp í vetur og taka mikla ábyrgð ætli liðið sér að eiga gott tímabil. Mikið mun einnig mæða á öðrum leikmönnum liðsins.

Helsti styrkur liðsins verður tvímælalaust varnarleikurinn. Rúnar Sigtryggsson ætlar að leika með í vetur og eru það gríðarlega góðar fréttir fyrir liðið. Með Rúnar, Þorvald Þorvaldsson, Hörð Fannar, Magnús Stefánsson og Aigars Lazdins svo einhverjir séu nefndir ætti liðið að geta stillt einni öflugustu vörn deildarinnar á pappírunum en mun hún smella? Ég vil meina að veturinn hjá Akureyri muni mikið til standa og falla með því hvort að liðið nær að láta vörn sína smella saman. Einnig mun það skipta öllu máli hvernig andi verður í liðinu í vetur. Nái samheldni og stemmning að einkenna liðið ásamt góðri vörn þá getur allt gerst.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson