Búningar karlaliðs Akureyrar

Valur mun taka á móti karlaliði Akureyrar í dag í Laugardalshöll. Hið nýja lið Akureyrar leikur að sjálfsögðu í nýjum búningum og birtum við hér myndir af búningum liðsins. Hér til vinstri sést vinstri hornamaðurinn Heiðar Þór Aðalsteinsson í aðalbúningi liðsins með auglýsingum. Á myndinni hér fyrir neðan er Hannes Karlsson, formaður Akureyrar, með varabúning liðsins og Skapti Hallgrímsson, varaformaður Akureyrar, með aðalbúning liðsins. Myndin er tekin áður en búningarnir voru merktir með númerum og merki styrktaraðila sett á þá.


Glöggir lesendur sjá að varabúningur liðsins (sá dökkblái) er keimlíkur búning Flensburg-Handewitt frá Þýskalandi sem Viggó Sigurðsson þjálfar um þessar mundir.