Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Lilja átti góðan leik

13. nóvember 2006 - SMS skrifar 

Konur: Akureyri - Haukar (umfjöllun)

Á laugardaginn fór fram leikur Akureyrar og Hauka í KA-Heimilinu, þessi leikur átti upphaflega að fara fram á sunnudag en honum var flýtt um einn dag. Leikurinn hófst rétt rúmlega tvö en höfðu Hauka stelpur eitthvað tafist á leiðinni norður yfir heiðar.

Ekki virtist sem rútuferðin sæti eitthvað í Haukunum því þær byrjuðu leikinn svo miklu betur að það lá við að leikurinn væri tapaður á fyrstu 10 mínútunum fyrir Akureyri. Sóknarleikurinn gekk hræðilega og vörnin var nokkuð götótt en samt var hún að halda ágætlega. Akureyri skorar aðeins 2 mörk á fyrstu 15 mínútunum í leiknum en fær á sig 10 en 6 af þeim voru úr hraðaupphlaupi, Hanna G. Stefánsdóttir fór mikinn í liði Hauka og skoraði 11 mörk í gær, og fór hún meidd útaf í fyrri hálfleik og kom aðeins smá inna í restina.
Það var mjög gaman að horfa á Akureyri á köflum, en það voru allt of stuttir kaflar. Við minnkuðum muninn úr 3-10 í 6-11 og virtist vera að birta til en þessi munur hélst fram að hálfleik og staðan 9-15 í hálfleik. Fyrri hálfleikurinn var búinn að vera hálfgerð vítakeppni enn 9 víti voru dæmd í ihálfleiknum. Dómarar leiksins voru afar slakir, og fékk leikmaður númer 13 hjá Haukum 2 gul spjöld í fyrrihálfleik og einnig Erla Hleiður í okkar liði sem á ekki að vera hægt. En einhver misskilningur var í gangi.

Það mátti halda að Akureyri hefði orðið eftir inn í klefa í hálfleik því þær voru ekki á tánum í byrjun seinni hálfleiks og voru Haukar ekki lengi að nýta sér það og komust í 10-22. Akureyri skoraði eitt mark á ellefu mínútum en þá kom virkilega góður kafli hjá Akureyri, stelpa að nafni Lilja Þórisdóttir kom inná í vinstri skyttuna en hún var búin að spila aðeins í hægri skyttu í fyrri hálfleik. Lilja leysti það hlutverk afskaplega vel af hendi og skoraði hún 3 af næstu 5 mörkum Akureyrar í röð, fiskaði 2 víti og svo brottvísun á Hauka.
Þessi 5 mörk virtust vera að koma á réttum tíma og spurði maður sjálfan sig hvort þetta væri of seint þar sem 15 mínútur voru eftir og liðið að tapa með 7 mörkum. Maður þurfti ekki að hugsa það lengi því Haukar skora úr hraðri miðju sem aldrei var flautuð á og leikmenn Akureyrar ennþá á dólinu aftur í vörn. Athyglivert var að sjá dómarann leyfa þetta og þetta eina mark Hauka virtist slökkva logann okkar á að jafna leikinn. Dómarinn baðst svo afsökunar og tók þessi mistök á sig, en þetta mark var of crucial í stöðunni og komust stelpurnar ekki nær í bili og skoruðu Haukar 3 mörk í röð. En aftur komu stelpurnar okkar til baka og skoruðu 6 mörk gegn 2 Hauka á síðustu mínútunum og endaði leikurinn 21-27.

Mjög gaman var að sjá andann í liðinu í dag en Erla Hleiður fór mikinn í að brosa og rífa liðið með sér áfram þrátt fyrir slaka dómara og erfiðan leik. Það sem var að klikka í dag var bara sóknin, stelpurnar eru kannski hver og ein með eitt og tvö klikk úr skotum á markið og er það eðlilegt því skotin eru oftast mjög góð. Það sem er að klikka í sókninni eru glataðir boltar áður en þær ná að dúndra á markið. Liðið var samtals með 25 glataða bolta eða sóknarbrot í dag, sem er allt of mikið í svona leik.

Haukar spiluðu aftarlegt afbrigði af 3-2-1 vörn með Hönnu G. Stefánsdóttur fyrir framan sem, eins og áður sagði, skoraði 11 mörk og flest þeirra úr hraðaupphlaupum. Haukar skoruðu í kringum 14 mörk úr hraðaupphlaupum og Akureyri 1. Haukar voru að vinna boltann af Akureyri í vörn og þar lá hundurinn grafinn í dag. Það sem hefði einnig mátt betur fara í sóknarleiknum var að innleysingar hefðu mátt vera rleiri, ein innleysing á móti 3-2-1 vörn setur allt í kerfi.

Markahæst í liði Akureyrar var Erla Hleiður Tryggvadóttir með 6 mörk(4 úr vítum) úr 10 skotum. Næst kom Ester Óskarsdóttir með 5 mörk(2 úr vítum) úr 9 skotum. Þar á eftir koma Þórsteina 4/6, Lilja 3/5 og þrjár stoðsendingar sem gáfu mikilvæg mörk. Auður Ómarsdóttir 2/5 , Guðrún Tryggvadóttir 2/2 og fiskaði 4 víti. Jóhanna Tryggvadóttir 0/1 Emma 0/1. Sibba varði 12 bolta í leiknum og flesta þeirra í seinni hálfleik en hún var að verja vel í honum en komst ekki í gang í fyrri hálfleik.

Maður leikins: ekki var létt að velja mann leiksins því fram að 40 mínútu var engin sem skaraði fram úr, tók ábyrgð eða þorði að taka af skarið í sókninni. En á 40 mínútu í leiknum kom Lilja Sif Þórisdóttir og gerði alla þessa hluti mjög vel og vel ég hana mann leiksins fyrir að taka ábyrgð og stíga upp fyrir liðið þegar þess þurfti.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson