Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir eru komnir í stærsta leik ársins



1. mars 2008 - Akureyri handboltafélag skrifar

Bikarúrslitaleikur hjá 2. flokki karla á sunnudag

Eins og fram hefur komið þá mun 2. flokkur Akureyrar leika til úrslita í Bikarkeppni HSÍ á morgun sunnudag kl. 15 og fer leikurinn fram í Laugardalshöll. Andstæðingurinn er HK en liðin hafa mæst tvisvar í vetur, í bæði skiptin í Kópavogi. Í fyrra skiptið sigruðu okkar menn örugglega en í síðari leiknum sigraði HK í mikilli dramatík þegar þeir skoruðu sigurmarkið úr vítakasti eftir að leiktímanum lauk. Það er því ljóst að um hörkuleik verður að ræða.

Nokkuð er um forföll í liðinu að þessu sinni og því reynir á breiddina í hópnum sem er sem betur fer góð. Eiríkur Jónasson fyrirliði og línumaður verður ekki með þar sem að hann tekur út leikbann. Þá er annar línumaður liðsins Halldór Logi Árnason ekki löglegur í bikarnum þar sem að hann lék með FH í 16 liða úrslitum keppninnar, einmitt á móti Akureyri.

Þá er Heiðar Þór Aðalsteinsson frá um óákveðinn tíma vegna handarbrots. Þrír öflugir leikmenn þarna á ferðinni en hvað segir þjálfari liðsins um leikinn? Heimasíðan tók púlsinn á þjálfaranum, Geir Kr. Aðalsteinssyni fyrir leikinn stóra.

"Strákarnir eru staðráðnir í að selja sig dýrt og menn þurfa bara að leggja enn meira á sig í fjarveru lykilleikmanna liðsins. Við búum yfir góðri breidd og þeir Bjarni Jónasar, Oddur Grétarsson og Ágúst Stefánsson geta allir leyst vinstri hornastöðuna í fjarveru Heiðars. Það er vissulega slæmt að vera án tveggja línumanna en við eigum Steinþór Andra uppi í erminni auk þess sem við eigum óvænt leynivopn sem að ég hef mikla trú á."

En hver er helsti styrkur liðsins í leik sem þessum að mati þjálfarans? "Við leggjum mikið upp úr því að hafa liðsheildina í toppstandi og mórallinn og samheldnin í þessum hóp er til algerrar fyrirmyndar og hefur verið í allan vetur. Til marks um það þá verðum við með nærri 20 leikmenn í Höllinni á morgun þó aðeins 14 þeirra geti verið á skýrslu. Við ákváðum fyrir veturinn að fara í gegnum þetta verkefni sem einn maður og það höfum við gert. Breiddin er mjög góð og það hefur reynst okkur vel. Þegar einn leikmaður hefur verið klipptur út í sóknarleik okkar þá stíga aðrir leikmenn ætíð upp og það er mikill styrkur að þurfa ekki að byggja leik liðsins upp á fáum einstaklingum. Við erum ætíð með öfluga leikmenn á bekknum sem eru þyrstir í spiltíma og það er af hinu góða. Ég hef því trú á að breiddin og liðsheildin eigi eftir að koma sér vel í Höllinni á morgun."

"Ég legg hins vegar höfuðáherslu á að strákarnir mæti með það að leiðarljósi að njóta dagsins í Höllinni á morgun. Svona leiki dreymir alla íþróttamenn um að spila og því verða menn að njóta sín þegar tækifærið gefst."

Við viljum hvetja alla sem vettlingi geta valdið að mæta í Höllina á morgun og hvetja strákana til sigurs.

Fyrir hina sem heima sitja vonumst við til að geta lýst leiknum beint hér á síðunni, en nánar um það á morgun.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson