2. flokkur karla: Góður sigur á Haukum


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Fannar fór á kostum í leiknum í dag		28. apríl 2008 - Akureyri handboltafélag skrifar 2. flokkur karla: Góður sigur á Haukum 2. flokkur karla er kominn í 4-liða úrslit Íslandsmótsins eftir góðan sigur á Haukum nú fyrr í kvöld. Lið Akureyrar hafnaði í 2. sæti Norður-riðils en Haukarnir lentu í 3. sæti Suður-riðilsins. Leikurinn sem fór fram í Síðuskóla var ótrúlega sveiflukenndur, Haukar skoruðu fyrsta mark leiksins en það var líka í eina skiptið sem þeir voru yfir í leiknum. Jafnt var á flestum tölum upp í 5-5 en þá tóku Akureyrarstrákar góðan sprett, skoruðu næstu fimm mörk og staðan skyndilega orðin 10-5 en sú sæla stóð frekar stutt því að Haukar létu finna fyrir sér og náðu að minnka muninn niður í 11-10. Þá tóku strákarnir annan sprett og skoruðu fjögur næstu mörk og staðan orðin 15-10 en hálfleikstölur voru 16-12 Akureyri í vil. Ásbjörn og Fannar voru atkvæðamestir í markaskoruninni, Ási með átta mörk og Fannar fjögur þannig að þeir tveir höfðu skorað tólf af þessum sextán mörkum. Arnar stóð í markinu og varði mjög vel. Líklega hafa flestir talið að það væri formsatriði að spila seinni hálfleikinn en sú varð nú ekki raunin því hann varð álíka kaflaskiptur og sá fyrri. Haukarnir náðu að minnka muninn í eitt mark 18-17 og næstu mínútur skiptust liðin á að skora allt þar til staðan varð 23-22 fyrir Akureyri. Þá loks sýndu strákarnir sitt rétta andlit og gerðu út um leikinn með næstu fimm mörkum í röð og staðan orðin vænleg, 28-22. Leiknum lauk svo með góðum sigri 29-24 og liðið komið í fjögurra liða úrslit þar sem þeir leika væntanlega gegn FH næstkomandi miðvikudag. Mörk Akureyrar: Ásbjörn 10 (1 víti), Fannar 9, Valdimar 4 (1 víti), Oddur 3, Eiríkur 2 og Bjarni 1. Markvarslan var í góðu lagi, Arnar átti fínan fyrri hálfleik og varði samtals 9 skot og þar af eitt víti. Elmar kom inná um miðjan seinni hálfleik og stóð vaktina vel, varði 6 skot og sömuleiðis eitt vítakast. Þrátt fyrir þennan sigur er ljóst að strákarnir þurfa að spila mun betur í næsta leik ef þeir ætla sér í úrslitaleikinn. Ási átti mjög góðan fyrri hálfleik en datt dálítið niður í þeim síðari, Fannar átti mjög sterkan leik en missti sig aðeins í skotgleði í blálokin. Það sem vantaði þó í dag var að fá meira út úr hornunum en boltinn gekk nánast ekkert þangað. Heiðar fékk t.d. varla boltann í vinstra horninu allan fyrri hálfleikinn og svipað var uppi á teningnum hægra megin. En nú dugar ekki annað en að spýta í lófana og gefa allt í leikinn á miðvikudaginn og fara alla leið í mótinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson