Akureyrarstelpur áttu ekki svar gegn liði Gróttu

Síðasti leikur tímabilsins hjá meistaraflokki kvenna var á heimavelli gegn Gróttu sl. laugardag. Gróttuliðið reyndist of sterkt fyrir Akureyrarstelpur og hafði örugga forystu allan leikinn. Forysta Gróttu var 9-16 í hálfleik og í síðari hálfleik jókst munurinn jafnt og þétt og endaði leikurinn með öruggum Gróttu sigri 19-31.

Emma Havin og Harpa Baldursdóttir voru atkvæðamestar í markaskorun Akureyrar með fjögur mörk hvor, Auður skoraði þrjú, Anna Teresa og Ester tvö mörk hvort en Arna, Jóhanna, Lilja og Unnur skoruðu sitt markið hver.

Í markinu vörðu Emelía og Lovísa þrettán skot hvor og báðar vörðu þær vítakast.

Við látum hér fylgja með myndir sem Þórir Tryggvason tók af stelpunum í leiknum.