Jónatan og Andri Snær skrifa undir leikmannasamning

Í gærdag skrifuðu Jónatan Magnússon og Andri Snær Stefánsson undir leikmannasamninga við Akureyri Handboltafélag. Það var Atli Ragnarsson formaður félagsins sem undirritaði samningana fyrir hönd félagsins. Það var létt yfir mönnum og lýstu þeir félagar ánægju sinni með að leikmannahópurinn er að styrkjast þessa dagana og menn horfa björtum augum til komandi keppnistímabils.

Undirritun samninganna fór fram á veitingahúsinu Greifinn og þótti það vel við hæfi þar sem Greifinn er bakhjarl æfingamótsins sem fram fer nú um helgina í Íþróttahúsi Síðuskóla.


Hér skrifa þeir félagar undir samningana og í leiðinni ritaði Magnús Dagur Jónatansson undir samning sem framtíðarleikmaður með liðinu.


Hér handsala Andri Snær, Atli og Jónatan samninginn og hröðuðu sér síðan á æfingu enda ærin verkefni framundan.