Greifamótið: Fyrri keppnisdegi lokið

Ólafi leiddist ekki að vera í sínum gamla búning og meira að segja með rétt númer

Akureyri - Fram
Síðasti leikur dagsins var síðan á milli Akureyrar og Fram og varð hann bráðfjörugur. Akureyri byrjaði mun betur og komst í 5-1 þar sem Oddur Grétarsson fór mikinn og skoraði glæsimörk. Fram náði að jafna í 6-6 og jafnt var á næstu tölum en Akureyri tók fínan kipp í lokin og leiddi í hálfleik 14-11. Síðari hálfleikurinn var æsispennandi, Akureyri þó alltaf skrefinu á undan þar til að Fram náði að stela sigrinum með því að skora tvö síðustu mörk leiksins sem endaði 19-20 fyrir Fram.
Árni Sigtryggsson sýndi hvers hann er megnugur og var markahæstur með 7 mörk, Oddur skoraði 4, Heiðar Þór, Hörður Fannar og Jónatan 2 hver, Andri Snær og Nikolaj 1 hvor.
Jesper var í markinu í fyrri hálfleik og varði 4 skot, en Hafþór stóð vaktina í síðari hálfleik og átti magnaðan leik og tók 8 skot.

Í liði Fram voru Guðjón Drengsson og Rúnar Kárason atkvæðamestir með 5 mörk hvor og Magnús okkar Stefánsson með 4.

Síðari umferðin verður leikin á morgun og hefur sú breyting verið gerð frá upphaflegri áætlun að þeir leikir verða 2 x 20 mínútur eins og leikirnir voru í dag og fyrir vikið hefst fyrsti leikurinn klukkan 10:30 en þá mætast Akureyri og ÍR.

Virðulegir dómarar, Atli Ragnarsson og Ingólfur Samúelsson dæmdu fyrstu tvo leikina


Gömlu Akureyrarfélagarnir Magnús Stefánsson, Andri Snær og Guðmundur Hermannsson virðast allir vera jafnstórir