Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Handbolti með fullu húsi af áhorfendum á að vera sýning sem engin vill missa af.

11. september 2008 - Akureyri handboltafélag skrifar

Viðtal við Rúnar á sport.is - Bjartsýnn á veturinn

Rúnar Sigtryggsson, þjálfari Akureyrar Handboltafélags var í viðtali við vefinn sport.is í dag og birtum við hér viðtalið í heild sinni.

Nú fer N1 deildin í handknattleik að fara af stað og kynnir sport.is til leiks Akureyri. Fréttaritarar sport.is spá því að Akureyri lendi í 7.-8. sæti í N1 deildinni í vetur. Akureyri fékk 6 stig í spánni sem sport.is mun birta á hverjum degi þar til N1 deildin hefst auk þess að birta viðtal við þjálfara allra liða deildarinnar. Rúnar Sigtryggsson er þjálfari Akureyri og er hann ósmeykur við veturinn þrátt fyrir að liðið hafi misst marga leikmenn frá því í fyrra.

Rúnar var fyrst spurður út í undirbúning liðsins fyrir átökin sem senn fara að hefjast.
"Við byrjuðum að æfa í lok júlí og vegna mikilla mannabreytinga og margra nýliða höfum við eytt miklum tíma í boltaæfingar, þar sem það er stórt stökk fyrir strákana að spila í 3. eða 2. flokki og svo í N1 deildinni. Við fórum í eina æfingaferð þar sem við spiluðum á Opna Reykjavíkurmótinu. Sú ferð sýndi að við erum á svipuðu róli og þau lið sem tóku þátt þar, þrátt fyrir allt."

Akureyri er líklega það lið sem hefur orðið fyrir hvað mestum breytingum frá því í fyrra. En hvaða leikmenn hefur liðið fengið og hvaða leikmenn voru það sem hurfu á braut?
"Við fengum Árna Þór núna á haustdögum og síðan erum við með tvo nýja markverði sem lofa góðu, þá Hafþór Einarsson og Jesper Sjögren sem hefur verið á mála hjá Flensburg í Þýskalandi sem þriðji markmaður og á síðasta ári var hann í Fredrecia HK. Við notuðum 21 leikmann í fyrra og 13 af þeim hafa róið á önnur mið eða hætt handknattleiksiðkun."

En hvernig er að reka handknattleikslið á Akureyri?
"Það er mjög erfitt og brekkan verður bara brattari sýnist mér. Staða landsbyggðarinnar í efstu deild í handbolta og svo sem líka fótboltinn talar sínu máli. Þegar leikmaður í Landsbankadeildinni í sumar barði sér á brjóst í sjónvarpinu eftir sigur sinna manna í Grindavík og var ánægður með sigurinn á erfiðum útivelli, þar sem um langt ferðalag væri að ræða. Það sagði mér allt sem segja þarf um stöðu landsbyggðarinnar gagnvart höfuðborgarsvæðinu. Það er skylda þeirra sem málið varðar að skoða þessi mál, annars enda allir sem vilja ná árangri í iðkun og þjálfun í íþróttum í Reykjavík. Við þurfum ekki að líta lengra en til næstu landa til þess að sjá að það er eitthvað bogið við þetta hjá okkur. Allir afreksmenn eða afrekslið á Norðurlöndum eru ekki staðsett í Kaupmannahöfn, Osló eða Stokkhólmi."

Hver eru markmið liðsins í vetur?"Við höfum þau fyrir okkur."

Hvað lið verða í toppbaráttunni í vetur og síðan botnbaráttunni að þínu mati?
"Ég er bara búinn að sjá fjögur lið og get því ekki dæmt um það, en það eiga óvæntir hlutir eftir að gerast í vetur."

Svona að lokum, er eitthvað sem þú vilt segja við stuðningsmenn Akureyri jafnt og aðra handknattleiksunnendur?
"Áhorfendur sem massi eru mjög mikill áhrifavaldur á hvern handboltaleik. Handbolti með áhorfendum er önnur og miklu meiri skemmtun heldur en handbolti án áhorfenda. Það þarf ekki að tala handboltann á Íslandi upp í innantómum umbúðum, við þolum samanburð við allar þjóðir í heiminum. Handbolti með fullu húsi af áhorfendum á að vera sýning sem engin vill missa af." sagði Rúnar að lokum við sport.is.

Viðtalið við Rúnar er tekið af sport.is.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson