Glæsileg merki Akureyri Handboltafélags

Stórsnillingurinn Samúel Jóhannsson hefur hannað nýtt glæsilegt merki fyrir Akureyri Handboltafélag. Samúel sem er einn dyggasti stuðningsmaður Akureyrar liðsins er ýmislegt til lista lagt, hér á árum áður var hann markvörður ÍBA liðsins og Þórs í knattspyrnu. Samúel starfar sem forstöðumaður íþróttamiðstöðvar Glerárskóla en sinnir jafnframt myndlistinni þótt hann kjósi að kalla sig myndverkamann í hógværð sinni.

Merkið er til í nokkrum útfærslum, hér getur að líta tvær þeirra en við væntum þess að fljótlega verði hægt að fá það sem borðfána, bílmerki, barmmerki o.s.frv.