Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Dóri, Ágúst og Fannar fá nóg að gera um helgina





12. mars 2009 - Akureyri handboltafélag skrifar

Þrír leikir um helgina hjá 2. flokki Akureyrar

Það verður engin afslöppun í gangi um helgina hjá strákunum í 2. flokki því þeirra bíða þrír útileikir og þeir ekki af léttara taginu. Þeir leggja af stað í rútu upp úr hádegi og mæta helstu andstæðingum sínum FH í Kaplakrikanum klukkan 20:00. Þetta þýðir reyndar að þeir strákar sem eru í hóp með meistaraflokki geta ekki tekið þátt í baráttunni gegn FH þar sem meistaraflokkurinn er að spila hér heima gegn Haukum klukkan 18:00. En leikmannahópurinn er stór og traustur hjá 2. flokki þannig að þeir geta stillt upp öflugu liði þrátt fyrir það.

Á laugardeginum klukkan 18:00 mæta strákarnir síðan Víkingum sem leika að vanda í Víkinni. Strákarnir eiga harma að hefna gegn Víkingum en þeir töpuðu einmitt fyrir þeim hér á heimavelli í fyrri umferðinni, með einu marki. Víkingar hafa hlotið 22 stig úr 17 leikjum og hafa verið á miklu flugi í síðustu leikjum þannig að þeir verða erfiðir heim að sækja.

Á sunnudaginn er síðan þriðji leikurinn í ferðinni en þá mæta strákarnir Fram klukkan 13:45. Reyndar er athyglisvert að leikið verður í Mýrinni sem er heimavöllur Stjörnunnar í Garðabænum, en í Framheimilinu fer fram stórt mót 6. flokks drengja og leikurinn því færður í Garðabæinn.

Við óskum strákunum góðs gengis í ferðinni og að þeir berjist af alefli fyrir hagstæðum úrslitum í ferðinni enda er mikið í húfi. Deildarmeistaratitill er innan seilingar en hann gæti hæglega gengið þeim úr greipum ef menn koma ekki einbeittir í verkefnið. En við berum að sjálfsögðu fullt traust til hópsins sem klárlega gerir sitt allra besta.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson