Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Oddur alsæll við komuna til Akureyrar

1. ágúst 2009 - Akureyri handboltafélag skrifar

Silfurmaðurinn Oddur í stuttri heimsókn

Oddur Gretarsson, einn af silfurdrengjunum frá Túnis kom til Akureyrar í kvöld. Pilturinn var að vonum ánægður við komuna þó að hann hefði að sjálfsögðu viljað vera með gull í farangrinum. Ferðalagið heim var langt og strangt og Oddur hálf þreytulegur enda búinn að vera á ferðinni nánast frá því að úrslitaleiknum lauk og ekkert tækifæri gefist til að sofa.

Oddur meiddist á ökkla snemma í keppninni og missti af tveim leikjum en var orðinn leikhæfur þannig að hann náði síðustu þrem leikjunum og sagðist vera orðinn þokkalegur þó hann fyndi vissulega fyrir sársauka ennþá. Hann kvað dvölina í Túnis hafa verið ævintýralega, vopnaðir verðir fylgdu liðinu hvert fótmál og mikill hasar hefði verið sérstaklega eftir sigurinn á heimamönnum en áhorfendur hefðu grýtt peningum og ýmsum varningi inn á völlinn. Þá hlakkaði hann til að komast heim í alvöru mat því að maturinn í Túnis hefði ekki verið honum að skapi og hreinlega vondur.

Þetta verður þó ekki löng dvöl að þessu sinni í faðmi fjölskyldunnar því á mánudaginn heldur Oddur aftur út og að þessu sinni með U-21 árs landsliðinu sem keppir á heimsmeistaramótinu í Egyptalandi. Það má því segja að Oddur hafi lítið sem ekkert verið á heimaslóðum í sumar og lítill tími gefist til að vinna fyrir sér.

Um leið og Akureyri Handboltafélag óskar Oddi til hamingju með árangurinn óskum við honum góðs gengis í næsta verkefni með U-21 árs liðinu og munum flytja fréttir frá mótinu hér á síðunni.


Oddur fékk blómvönd frá Akureyri Handboltafélagi við komuna til Akureyrar


Rýnt í silfurpeninginn frá Túnis

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson