Akureyri fór með sigur af hómi í sjöþrautinni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Það mar mikið grín og mikið gaman í keppninni í kvöld		26. ágúst 2009 - Akureyri handboltafélag skrifar Akureyri fór með sigur af hómi í sjöþrautinni Í kvöld áttust leikmenn Akureyri Handboltafélag og leikmenn körfuknattleiksdeildar Þórs við í sjöþraut frjálsra íþrótta. Það voru körfuboltamennirnir sem skoruðu á leikmenn Akureyrar sem að sjálfsögðu tóku áskoruninni. Unnar Vilhjálmsson, þjálfari hjá UFA var fenginn til að skipuleggja mótið, ákveða keppnisgreinar og stjórnaði hann allri framkvæmd ásamt aðstoðarliði frá UFA. Fyrsta keppnisgreinin var 60 metra hlaup. Fjórir keppendur voru frá hvoru liði (36 stig í pottinum) og spenna í loftinu, í annarri tilraun fóru allir af stað á löglegan hátt og fór lið Akureyrar með öruggan sigur af hólmi. Akureyri átti 1., 2., 3. og 5. sæti en körfustrákarnir náðu 4. sæti og síðan 6., 7., og 8. Oddur Gretarsson varð fyrstur, Geir Guðmundsson annar og Andri Snær Stefánsson 3. Baldur Már Stefánsson, úr körfunni varð 4. og Heiðar Þór Aðalsteinsson 5. Keppendur komnir af stað í 60 metra hlaupinu Akureyri fékk því samtals 25 stig fyrir 60 m. hlaupið en Karfan 11 stig. Önnur greinin var langstökk, fjórir keppendur frá hvoru liði (36 stig í pottinum) og fékk hver að reyna tvívegis. Heiðar Þór Aðalsteinsson stökk manna lengst, stökk 5,45 metra en Óðinn Ásgeirsson körfuknattleiksmaður var annar með stökk upp á 5,30. Heimir Árnason varð í þriðja sæti, Siguróli í því 7. og Hörður Fannar hafnaði í 8. sæti. Heiðar Þór kom sá og sigraði í langstökkinu Karfan sigraði því í langstökkinu með 19 stig gegn 17 og staðan í sigruðum greinum jöfn 1-1. Þriðja greinin var spjótkast, fyrir hönd Akureyrar kepptu Hafþór Einarsson, Hörður Fannar Sigþórsson og Valdimar Þengilsson. Eftir að hafa fengið tilsögn og góð ráð hjá Unnari yfirdómara hófst keppnin um þau 21 stig sem í boði voru. Það var Björgvin Jóhannesson úr körfunni sem fór með sigur af hólmi með kast upp á 35 metra en Hörður Fannar varð annar með kast upp á 33,5 metra. Þriðji varð Hafþór og Valdimar fjórði en Björn og Sigmundur Eiríksson (Siddi) úr körfunni ráku lestina. Hörður Fannar sýndi tilþrif í spjótkastinu Þar sem einungis sex keppendur voru hér einungis 21 stig í pottinum og þar af fékk handboltinn 12 en karfan 9. Staðan 2-1 fyrir handboltann. Fjórða greinin var síðan hástökk. Þrír keppendur voru frá hvoru liði (21 stig í boði) og fékk hver tvær tilraunir við hverja hæð. Fyrir Akureyri kepptu Geir Guðmundsson, Heiðar Þór og Oddur Gretarsson. Byrjunarhæðin var 1,50 og fóru allir keppendur yfir þá hæð. Næsta hæð var 1,60 m og þar með skildu leiðir því allir handboltastrákarnir fóru yfir þá hæð en allir fulltrúar körfunnar felldu þá hæð. Til að fá úr því skorið hver næði besta árangrinum fengu strákarnir að spreyta sig á 1,70 metrum og náði Oddur Gretarsson að fara yfir þá hæð í aukatilraun. Oddur Gretarsson með hástökksstílinn á hreinu Handboltinn sigraði því með nokkrum yfirburðum í hástökkinu og kræktu í 15 stig gegn 6 stigum körfunnar. Staðan í greinakeppninni 3-1 fyrir Akureyri. Fimmta greinin var kúluvarp og reyndust þar ýmsir hafa krafta í kögglum. Þrír keppendur voru frá hvoru liði (21 stig í boði) og fékk hver tvær kasttilraunir. Fyrir handboltann kepptu Jónatan Magnússon, Halldór Logi Árnason og Guðlaugur Arnarsson. Keppnin varð hnífjöfn en það var körfuknattleikskappinn Björn sem átti lengsta kastið 10,25 metra en Guðlaugur Arnarsson var mjög stöðugur og varpaði kúlunni 10,20 metra í báðum köstum sínum. Baldur Már úr körfunni varð þriðji með kast upp á 8,65 metra en Halldór Logi varð fjórði með kast upp á 8,45 metra og Jónatan Magnússon fimmti með kast upp á 7,85 metra. Guðlaugur Arnarsson var með staðalað kastlengd, 10,20 m í báðum köstum Karfan fór því nauman sigur í kúluvarpinu, hlutu 11 stig gegn 10 stigum handboltans og staðan í greinakeppninni því 3-2 handboltanum í vil. Næst síðasta greinin var 4x100 metra boðhlaup þar sem kepptu tvær sveitir frá hvoru liði (10 stig í boði). Heimir Árnason, Andri Snær, Heiðar Þór og Jón Þór Sigurðsson skipuðu aðra sveit handboltans en Jónatan Magnússon, Oddur Gretarsson, Guðmundur Hólmar Helgason og Geir Guðmundsson skipuðu hina sveitina. Það er skemmst frá því að segja að sveitir Akureyrar höfðu mikla yfirburði og unnu tvöfaldan sigur. Lokaspretturinn var ótrúlegur, Jónatan sem hljóp síðasta sprettinn fyrir sína sveit virtist vera öruggur með sigurinn en Heimir Örn Árnason sýndi að það er enginn smá sprengikraftur í fótunum á honum og tók fram úr Jonna á síðustu metrunum og blés varla úr nös. Dramatískur endir á boðhlaupinu, Heimir Árnason fer fram úr Jónatan á síðustu sentimetrunum 7 stig til Akureyrar og 3 stig til körfunnar, staðan 4-2 í greinakeppninni. Lokagreinin var síðan 400 metra hlaup þar sem Andri Snær, Oddur, Heiðar Þór og Guðmundur kepptu fyrir Akureyri (36 stig í pottinum). Hér fór handboltinn með öruggan sigur, strákarnir röðuðu sér í 1., 2., 4. og 5. sætið. Andri Snær sigraði á 57,8 sekúndum, Heiddi varð annar, Guðmundur fjórði og Oddur varð 5. Andri Snær tók forystu strax í upphafi 400 metra hlaupsins Þannig fengu strákarnir 24 stig úr hlaupinu á móti 12 stigum körfunnar. Akureyri Handboltafélag varð því ótvíræður sigurvegari keppninnar, sigraði í 5 greinum á móti 2 og í stigakeppninni fékk Akureyri 110 stig en Körfuknattleiksdeildin 71 stig. Unnar Vilhjálmsson stjórnaði mótinu af röggssemi og býr sig undir að afhenda farandbikarinn Í mótslok tók fyrirliðinn, Jónatan Magnússon á móti farandbikar sem Akureyri Handboltafélag varðveitir fram að næsta móti. Sigurlið Akureyrar Handboltafélags með bikarinn Við þökkum fyrir skemmtilega uppákomu og bestu þakkir til Unnars Vilhjálmssonar og Gísla Sigurðssonar og þeirra manna fyrir frábært mót. Allir keppendur stilltu sér upp í mótslok Við þökkum Páli Jóhannessyni sérstaklega fyrir allar myndirnar frá mótinu. Hér er hægt að skoða fleiri myndir Páls frá mótinu.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson