Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Geir bar enga virðingu fyrir Roland Eratze í Stjörnumarkinu í dag

11. september 2009 - Akureyri handboltafélag skrifar

Akureyri leikur til úrslita á Ragnarsmótinu

Akureyri og Stjarnan mættust í dag á Ragnarsmótinu í lokaleik A-riðils. Akureyri lék prýðisvel til að byrja með og náði fimm marka forystu 10 – 5 og hafði algjöra yfirburði á öllum sviðum. Í stöðunni 11-7 missti liðið hins vegar hausinn gjörsamlega og í kjölfarið skoraði Stjarnan sex mörk í röð og hafði tveggja marka forystu í hálfleik 11-13.

Á þessum lokakafla fyrri hálfleiks gekk allt á afturfótunum í sókninni auk þess sem Roland Eratze lokaði Stjörnumarkinu gjörsamlega.

Rúnar hefur greinilega messað duglega yfir strákunum í hálfleik því það var allt annað að sjá til liðsins í seinni hálfleik og má með sanni segja að það hafi einungis eitt lið verið á vellinum. Akureyri skoraði fyrstu níu mörkin í seinni hálfleik og staðan orðin 20-13 áður en Stjarnan skoraði. Það var reyndar Fannar Kristmannsson áður leikmaður 2. flokks Akureyrar sem skoraði næstu tvö mörk Stjörnunnar.

Þegar hér var komið sögu voru úrslitin ráðin og lauk leiknum með yfirburðasigri Akureyrar 29-20.

Hafþór átti aftur stórleik í markinu, varði 18 skot, þar af eitt vítakast. Undir lokin kom Siguróli í markið og átti flokka innkomu, varði þrjú af þeim fjórum skotum sem komu á markið.

Sérstaklega er ástæða til að minnast á Geir Guðmundsson sem lék í hægra horninu fyrri hálfleikinn og átti hreint frábæran leik, skoraði fimm góð mörk.

Mörkin í dag dreifðust sem hér segir: Oddur Gretarsson 7 (4 víti), Geir Guðmundsson 5, Árni Sigtryggsson 3, Heiðar Þór Aðalsteinsson 3, Andri Snær Stefánsson 2, Brynjar Þór Hreinsson 2, Guðlaugur Arnarsson 2, Hörður Fannar Sigþórsson 2, Jónatan Magnússon 2 og Heimir Örn Árnason 1 mark hvor.

Á morgun, laugardag leikur Akureyri úrslitaleikinn í mótinu gegn FH og hefst hann klukkan 20:00 og er að sjálfsögðu í beinni útsendingu á sporttv.is. Ef liðið leikur á morgun eins og það lék seinni hálfleikinn í dag getum við gert okkur góðar vonir en hins vegar er ljóst að FH liðið selur sig dýrt og ætlar að hefna ófaranna í æfingaaleikjunum hér um síðustu helgi.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson