Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Hörður Fannar besti leikmaður Eiðsmótsins 2010

25. janúar 2010 - Akureyri handboltafélag skrifar

Akureyri sigraði Eiðsmótið 2010

Í gær, sunnudag lauk Eiðsmótinu sem fram fór í Íþróttahúsinu í Strandgötu í Hafnarfirði. Það voru Akureyri og Haukar sem léku til úrslita en bæði lið höfðu unnið báða sína leiki daginn áður. Lið Akureyrar var heldur þunnskipað, einungis átta útileikmenn, Guðlaugur Arnarsson meiddist daginn áður og Geir Guðmundsson farinn norður til að spila með 3. flokki Þór. Þar að auki var Oddur Gretarsson tæpur, hafði hvílt í leiknum gegn Fram vegna eymsla í hné.

Rúnar Sigtryggsson þjálfari var því á skýrslu og þar að auki þrír synir hans, Aron, Sigtryggur og Andri þannig að meðalaldur liðsins var í sögulegu lágmarki í leiknum.

Leikurinn fór fjörlega af stað, jafnt á öllum tölum upp í 3-3 en þá sigu Haukarnir fram úr og staðan varð 3-6. Staðan versnaði enn á næstu mínútum, Akureyrarliðið pirraði sig mikið á arfaslakri dómgæslu heimamanna en Haukarnir blómstruðu á meðan og staðan orðin ískyggileg 7-14 fyrir Hauka.

Þegar hér var komið sögu var Oddur kominn útaf, draghaltur og sömuleiðis kom Jónatan laskaður útaf þannig að útlitið var ekki björgulegt. En enginn skyldi afskrifa lið Akureyrar sem sýndi fáheyrðan karakter og jafnaði leikinn í 17-17 sem voru hálfleikstölurnar.

Í hálfleik var gerð liðskönnun, Oddur og Jonni ætluðu að harka eymslin af sér og nú skyldi barist fram í rauðan dauðann. Akureyri skoraði fyrsta markið í seinni hálfleik og lét forystuna aldrei af hendi eftir það. Mestur varð munurinn fimm mörk í stöðunni 29-24 en Haukum tókst að minnka muninn í tvö mörk með síðasta marki leiksins þannig að Akureyri vann verðskuldaðan tveggja marka sigur 33-31.

Eftir að liðið hrökk í gang má segja að strákarnir hafi leikið hreint út sagt frábærlega bæði í vörn og sókn og var virkilega gaman að fylgjast með frábærri liðsheild. Hörður Fannar átti stórleik en einnig var magnað að fylgjast með unglingunum Bjarna Jónassyni og Halldóri Loga Árnasyni sem þurftu að axla mikla ábyrgð og leystu sín hlutverk frábærlega.

Hörður Flóki stóð markinu í fyrri hálfleik og Hafþór þann seinni og áttu báðir góðan leik eins og reyndar í mótinu öllu.

Mörkin skoruðu: Hörður Fannar Sigþórsson 7, Andri Snær Stefánsson 6, Árni Sigtryggsson 5, Bjarni Jónasson 5, Halldór Logi Árnason 5, Brynjar Hreinsson 2, Jónatan Magnússon 2 og Oddur Gretarsson 1.

Akureyri er því sigurvegari mótsins með 6 stig, Haukar í öðru sæti með 4 stig, Fram hafnaði í 3. sæti á markamun en leik þeirra og Gróttu lauk með jafntefli.

Hörður Fannar var síðan útnefndur besti leikmaður mótsins en hann lék afburða vel í öllum leikjunum þremur.

Við eigum von á myndum frá mótinu á næstunni og verða þær að sjálfsögðu birtar hér á síðunni.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson