Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Gulli sneri sig illa á ökkla í dag

23. janúar 2010 - Akureyri handboltafélag skrifar

Flottur sigur á Fram í dag

Akureyrarliðið lék sinn annan leik á Eiðsmótinu seinnipartinn í dag og mætti þar Fram sem tapaði fyrr í dag fyrir Haukum með einu marki. Oddur Gretarsson var ekki með í þessum leik þar sem hann glímir við eymsli í hné.

Akureyrarliðið byrjaði af miklum krafti og náði strax 4-1 forskoti. Til að gera langa sögu stutta þá var sú forysta aldrei látin af hendi, liðið lék skínandi vel jafnt í vörn sem sókn. Þegar tuttugu mínútur voru liðnar í stöðunni 12-8 varð liðið fyrir áfalli þegar Guðlaugur Arnarsson þurfti að yfirgefa völlinn með snúinn ökkla og kemur klárlega ekki við sögu meira um helgina.

En strákarnir létu það ekki á sig fá og gáfu heldur betur í og fóru til hálfleiks með sjö marka forystu 17-10. Höddi fór mikinn á línunni og skoraði fimm mörk í hálfleiknum, svo og Jónatan en þeir félagar hafa náð frábærlega saman. Hafþór stóð í markinu fyrri hálfleikinn og átti stórleik, u.þ.b. fimmtán skot varin.

Sama sagan hélt áfram í seinni hálfleik, liðið hélt öruggri forystu, Fram náði reyndar að minnka muninn niður í fimm mörk um miðjan seinni hálfleikinn en þá var bara gefið hraustlega í og munurinn jókst upp í tíu mörk. Það voru svo Framarar sem skoruðu síðustu tvö mörkin og lauk leiknum með öruggum átta marka sigri, 35-27.

Flóki stóð í markinu seinni hálfleikinn og var flottur, með 10 skot varin. Geir Guðmundsson fór á kostum og skoraði samtals 10 mörk, mörg hver með þrumuskotum.

Mörk Akureyrar: Geir Guðmundsson 10, Jónatan Magnússon 8, Hörður Fannar Sigþórsson 5, Andri Snær Stefánsson 4, Árni Sigtryggsson 3, Bjarni Jónasson 2, Brynjar Hreinsson 2 og Halldór Logi Árnason 1.

Á morgun mæta strákarnir Haukum og það verður úrslitaleikur mótsins.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson