Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Silfurmaðurinn Oddur Gretarsson sýnir að hann er liðtækur í eldhúsinu



26. febrúar 2010 - Akureyri handboltafélag skrifar

Matarkrókurinn - Oddur Gretarsson

Hornamaðurinn knái, Oddur Gretarsson tók áskorun Harðar Fannars Sigþórssonar í Vikudegi og er hér mættur með uppskriftir í matarkrókinn. „Hér er frábær uppskrift á kvöldmáltíð þegar þú vilt gera vel við þig og þína t.d. eftir sigurleik eða bara eftir erfiðan vinnudag“, segir Oddur.

Svínasnitzel með sveppum og paprikku

  • 4 stk. svínastnitzel
  • Salt og pipar
  • Paprikuduft
  • Olía
  • 1 rauð paprika (stór)
  • 250 g sveppir
  • 1 msk. smjör
  • Ca. 1 msk. sítrónusafi
Sósa
  • 1/2 teningur svínakjötskraftur (Knorr)
  • 1 dl vatn
  • 2,5 dl rjómi
  • Sítrónusafi
  • Salt og pipar
Aðferð: Strá salti, pipar og paprikudufti á snitzelið. Hita olíu á pönnu og steikja snitzelið í ca. 8 mínútur á vægum hita, snúa því öðru hvoru við á pönnunni.
Skerið sveppina niður í sneiðar og paprikuna í bita og steikið í smjöri. Kryddið með salti, pipar og bætið sítrónusafanum út í. Steikið í nokkrar mínútur.

Sósan
Hellið vatninu á pönnuna og bætið svínakjötskraftinum út í, leysið upp og sjóðið í augnablik. Rjóminn settur út í og látinn sjóða í eina mínútu. Salti, pipar og sítrónusafa bætt út í eftir smekk.
Ef sósan er þunn má þykkja hana með sósujafnara.

Snitzelið sett í eldfast mót, sósunni hellt yfir og papriku/sveppum þar ofan á. Borið fram með kartöflum og salati að eigin ósk.

Hið fullkomna skyrboozt a la Oddur

(Fyrir 4 manneskjur)
  • 500 g vanilluskyr
  • 1 banani
  • 1 pera
  • 1 epli
  • Frosin jarðarber
  • 1,5 dl appelsínusafi
  • Örlítið af sódavatni
  • Ísklakar
Eplið og peran eru skorin í hæfilega smáa bita og tekinn kjarninn úr þeim (einnig má flysja þau en persónulega finnst mér best að hafa flusið á). Þessu er öllu skellt í blandara og beðið í ca. mínútu. Best er að setja handfylli af frosnu jarðarberjunum og klökunum.
Borið fram í glerglösum og gaman er að setja sogrör ofan í. Tilvalinn eftirréttur sem hentar flestum og er mjög hollur og bragðgóður.

Ekta frönsk súkkulaðikaka

Hnausþykk, full af súkkulaði og fljótleg
  • 450 g Síríus 56% súkkulaði
  • 250 g smjör
  • 6 egg
  • 100 g hveiti
Hitið ofninn í 220°C. Bræðið súkkulaði og smjör saman í potti við hægan hita. Þeytið eggin þar til þau verða létt og ljós og hrærið súkkulaðiblönduna vel saman við.
Sigtið hveitið út í og blandið varlega saman við með sleikju þar til deigið er orðið slétt og samfellt. Smyrjið pappír á botninn á því. Hellið deiginu í formið og bakið í 5 mínútur. Setjið þá álpappír yfir formið og bakið áfram í 10-12 mínútur.
Leyfið kökunni að kólna í forminu í að minnsta kosti 2 klst. áður en hún er borin fram með rjóma.

Þar með hefur Oddur heldur betur og uppfyllt sína áskorun og lýkur henni með eftirfarandi: „Ég ætla að skora á vin minn, föðurinn, hundaeigandann og markmanninn spræka Siguróla Magna Sigurðsson að koma með uppskriftir í næsta matarkrók.“
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson