Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Þetta verður rosalegur leikur



4. mars 2010 - Akureyri handboltafélag skrifar

Leikur dagsins: Útileikur gegn HK - sýndur á SportTV.is

Í dag er komið að síðasta leik Akureyrar Handboltafélags í 2. hluta N1 deildarinnar þegar liðið fer í Kópavoginn og mætir heimamönnum í HK. Leikurinn er gríðarlega mikilvægur fyrir bæði lið sem eru að berjast um að verða í fjórum efstu sætum deildarinnar þegar 3. hluti deildarinnar hefst. Það stafar af því að fjögur efstu liðin munu fá fjóra heimaleiki og þrjá útileiki í lokahluta deildarinnar á meðan að neðstu fjögur liðin fá þrjá heimaleiki en fjóra útileiki.

Það eru sem sé tvö dýrmæt stig í boði og aukaheimaleikur sem er að sjálfsögðu mikilvægt fyrir stuðningsmennina hér heima auk þess sem það er fjárhagslega hagkvæmt upp á ferðakostnað.

Leikurinn verður sýndur beint á SportTV.is og hefst klukkan 18:30.

Vitað er að Andri Snær Stefánsson og Bjarni Jónasson verða ekki í leikmannahópnum í dag. Andri Snær glímir enn við axlarmeiðsli sem hann fékk í leiknum gegn Gróttu og Bjarni er meiddur á ökkla.

Hægt verður að fylgjast með útsendingu frá leiknum á stóru tjaldi í KA heimilinu og eru allir stuðningsmenn velkomnir þangað.

Leikur liðanna í Höllinni þann 25. nóvember síðastliðinn varð æsispennandi en lauk með eins marks sigri Akureyrar 27-26 og því má búast við hörkuleik í Kópavoginum. Í síðasta leik sínum unnu HK góðan útisigur á Val en töpuðu þar á undan illa fyrir Haukum.

Við hvetjum stuðningsmenn á höfuðborgarsvæðinu til að mæta í Digranesið og styðja sína menn og jafnframt bendum við á útsendinguna á SportTV.is sem er hægt að nálgast hér þegar þar að kemur.


Sveinbjörn og Atli Ævar verða á heimavelli að þessu sinni

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson