Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni var að sjálfsögðu með viðeigandi höfuðbúnað við undirskriftina

3. júlí 2010 - Akureyri handboltafélag skrifar

Bjarni Fritzson genginn til liðs við Akureyri Handboltafélag

Í gær gekk Bjarni Fritzson formlega í raðir Akureyrar Handboltafélags þegar hann og Hannes Karlsson formaður AHF innsigluðu samninginn með undirskrift. Þeir voru ásamt viðstöddum klæddir á viðeigandi hátt enda fór undirritunin fram í úrbeiningarsal Norðlenska sem er einmitt einn öflugasti bakhjarl liðsins.


Hannes Karlsson og Bjarni Fritzson handsala leikmannasamning Bjarna

Það þarf varla að kynna Bjarna Fritzson fyrir hanboltaáhugamönnum en hann hefur verið einn öflugasti leikmaður landsins undanfarin ár. Bjarni sem leikur aðallega á hægri vængum er 30 ára gamall og örvhentur, á að baki 39 landsleiki fyrir Íslands hönd. Hann var einn mikilvægasti leikmaður FH síðasta tímabil og stóð uppi sem markakóngur N1-deildarinnar og var sömuleiðis valinn í úrvalslið deildarinnar eftir tímabilið. Bjarni er upphaflega ÍR-ingur en lék um tíma í Frakklandi með liðunum Créteil og St Raphaël en gekk til liðs við FH þegar hann sneri heim á ný.

Það þar ekki að fjölyrða að koma Bjarna er mikill fengur fyrir lið Akureyrar en Bjarni er mikill keppnismaður sem gerir miklar kröfur til sjálfs sín og ætlast að sjálfsögðu til þess sama af liðsmönnum sínum. Hann segir komandi tímabil leggjast vel í sig, „Akureyrarliðið spilar hraðan bolta sem hentar mér mjög vel. Það eru nokkrir mjög efnilegir strákar þarna í bland við eldri reynslubolta og þetta verður bara góð blanda. Það er nokkuð ljóst frá mínum bæjardyrum að ég er kominn til þess að berjast um titla. Ég er ekkert að fara mæta norður og spila um fimmta sætið,“ segir Bjarni.
Og ekki spillir umgjörðin hjá Akureyri: „Hún er best þarna, og reyndar hjá FH. Það er svo gaman að spila fyrir fullu húsi í hverri umferð“.


Hannes og Bjarni ánægðir með tilveruna

Bjarni flytur norður með alla fjölskylduna og bjóðum við þau hjartanlega velkomin í bæinn og hlökkum til komandi leiktíðar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson