Það var mikið um dýrðir í gær hjá Akureyri Handboltafélagi sem boðaði til blaðamannafundar í höfuðstöðvum Norðlenska klukkan 17:00. Þegar menn komu til fundarins tók Ingvar Már Gíslason markaðsstjóri Norðlenska á móti hópnum og útdeildi viðeigandi klæðnaði, hvítum sloppi, hárneti og skóhlífum. Þetta var að sjálfsögðu viðeigandi þar sem Ingvar var búinn að stilla upp fundarborði inni í úrbeiningarsal fyrirtækisins og þangað fer enginn inn nema útbúinn á viðeigandi hátt.
Hannes Karlsson, formaður Akureyrar Handbotafélags bauð menn velkomna til fundarins og kynnti hvað í vændum var. Í fyrsta lagi undirritun leikmannasamnings við Bjarna Fritzson og síðan samstarfssamninga við þrjá öfluga stuðningsaðila og færði þeim þakkir fyrir myndarlegan stuðning við handboltann á Akureyri.
Eftir að samningurinn við Bjarna var kominn í höfn var komið að samningnum við Vífilfell en Vífilfell bætist nú í hóp stuðningsaðila Akureyrar Handboltafélags
Hannes Karlsson og Stefán frá Vífilfelli að lokinni undirskrift
Þá var komið að gestgjafanum, Ingvari Má Gíslasyni fyrir hönd Norðlenska en hann og Hannes undirrituðu samning um áframhaldandi stuðning Norðlenska við Akureyri Handboltafélag.
Hannes og Ingvar
Þá var komið að samningi við íþróttavöruverslunina Sportver á Glerártorgi og Hummel en Egill Einarsson og Ævar Sveinsson undirrituðu fyrir þeirra hönd samning um áframhaldandi samstarf.
Hannes, Egill og Ævar handsala samninginn
Það var að sjálfsögðu létt yfir mönnum enda góður áfangi í höfn. Boðið var upp á girnileg sýnishorn af framleiðslu Norðlenska og að sjálfsögðu var þeim skolað niður með Coca Cola í gleri frá Vífilfelli á Akureyri. Þórir Tryggvason ljósmyndari okkar var að sjálfsögðu mættur á staðinn, uppáklæddur eins og aðrir og smellti af meðfylgjandi myndum.
Fulltrúar Akureyrar Handboltafélags ánægðir með daginn.
Aftari röð: Stefán Jóhannsson, Hermann Haraldsson og Bjarni Fritzson
Fremri röð: Hannes Karlsson, Hlynur Jóhannsson og Atli Hilmarsson.
Ingvar frá Norðlenska bauð þá Atla Hilmarsson og Bjarna Fritzson velkomna norður með dýrindis nautasteik frá fyrirtækinu.
Atli og Bjarni fengu að sjálfsögðu ýmsar leiðbeiningar um hvernig best væri að matreiða nautið og geta boðið til glæsilegrar veislu í kjölfarið.
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!