Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bergvin og Valþór voru markahæstir í dag



6. mars 2011 - Akureyri handboltafélag skrifar

2. flokkur: Níu marka sigur á ÍR-ingum í dag

Strákarnir í 2. flokki gerðu það sem þeir þurftu til að innbyrða tvö stig þegar þeir mættu ÍR ingum í Síðuskólahúsinu í dag. Það var ekki að sjá að ÍR ingar legðu mikið upp úr leiknum því þeir mættu aðeins með átta leikmenn til leiksins og þar af voru tveir markverðir. Reyndar fór svo að varamarkvörðurinn klæddist treyju útileikmanns og kom inná sem slíkur.

Leikurinn fór rólega af stað og var jafnt á flestum tölum fyrsta korterið. Upp úr því náðu Akureyrarstrákar að hrista ÍR inga af sér og náðu mest sex marka forystu en ÍR klóraði í bakkann og munurinn í hálfleik aðeins fjögur mörk, 17-13.

Bergvin Gíslason og Valþór Guðrúnarsson voru drjúgir í markaskoruninni í fyrri hálfleik, Beggi með 7 mörk og Valli með 5. ÍR ingar geta þakkað markverði sínum, Bergi Vilhjálmssyni að munurinn var ekki meiri en hann varði mjög vel í leiknum.

ÍR ingar bitu frá sér í upphafi seinni hálfleiks og minnkuðu muninn í eitt mark áður en heimamenn tóku við sér á ný. ÍR ingar börðust vel fyrir sínu og tókst Akureyri ekki að hrista þá af sér lengi vel og munurinn oftast í kringum tvö mörkin.

Það var svo á síðustu tíu mínútunum sem Akureyri náði loks að keyra yfir ÍR ingana og gerðu út um leikinn með fínum leikkafla þannig að níu marka sigur, 35-26 var staðreynd.

Markaskorun heimamanna dreifðist vel í seinni hálfleiknum en þar voru Ásgeir Jóhann Kristjánsson og Bergvin þó drýgstir með fjögur mörk hvor.

Mörk Akureyrar: Bergvin 11, Valþór 7, Ásgeir 5, Ólafur 4, Jón Heiðar 3, Egill 2, Bjarki, Jóhann og Sigurþór 1 mark hver.
Páll stóð í markinu lengst af og átti fínan leik, Gunnar Bjarni kom inná um miðjan seinni hálfleik og varð vítakast með tilþrifum og hélt síðan áfram og tók nokkra mikilvæga bolta.

Það er ekki hægt að skilja við leikinn án þess að minnast á dómgæsluna en allt frá fyrstu mínútu var ljóst að hún yrði skrautleg. Ekki það að hallaði á annað liðið en ákvarðanir piltanna með flauturnar voru oft á tíðum vægast sagt gjörsamlega óskiljanlegar.


Þessi mynd er reyndar ekki frá leiknum í dag en þeir Geir og Oddur voru ekki með í dag

Strákarnir eiga næst þrjá útileiki 18. – 20. mars og mega ekkert misstíga sig í þeim í harðri keppni um deildarmeistaratitilinn.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson