Guðmundur Hólmar Helgason í Vikudegi


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Gummi í leik í vetur og fyrir neðan er hann barnungur í 5. flokki		10. mars 2011 - Akureyri handboltafélag skrifar Guðmundur Hólmar Helgason í Vikudegi Í Vikudegi sem kom út í dag fjallar Þröstur Ernir Viðarsson blaðamaður um skyttuna ungu, Guðmund Hólmar Helgason og spjallar við hann um tilveruna í handboltanum: Guðmundur Hómar Helgason leikmaður Akureyrar Handboltafélags hefur fengið aukna ábyrgð í liði norðanmanna í vetur. Eftir að þeir Jónatan Þór Magnússon og Árni Þór Sigtryggsson yfirgáfu félagið sl. vor kom það í hlut Guðmundar og Geirs Guðmundssonar að stíga fram og fylla þeirra skarð sem helstu skyttur liðsins, ásamt Heimi Erni Árnasyni fyrirliða og Bjarna Fritzsyni. Báðir hafa þeir Guðmundur og Geir staðið sig vel en Geir er hins vegar frá út veturinn vegna veikinda. Guðmundur, sem er 18 ára, spilar í stöðu vinstri skyttu og átti frábæran seinni hálfleik er Akureyri lagði Val á heimavelli, 23:20 í N1-deildinni sl. fimmtudag. Hann skoraði sjö mörk í leiknum, þar af sex í seinni hálfleik og var valinn maður leiksins í liði heimamanna. Akureyri heldur með sigrinum sex stiga forystu í deildinni með 27 stig. Ekkert er leikið í deildinni þessa vikuna og fer næsta umferð fram fimmtudaginn 17. mars. Guðmundur lyftir sér upp og neglir á Valsmarkið í síðasta leik Guðmundur segir að það hafi verið nokkuð stressandi í haust að vita að hann, ásamt Geir, ættu að bera þungan í skyttustöðunum. Hann er þó ágætlega sáttur með frammistöðu sína í vetur. „Þetta var góð áskorun og er enn. Ég var smá stressaður fyrst en svo hefur þetta bara gengið þokkalega vel hjá mér. Svo er líka rosalega gott að hafa þessa reynslumeiri leikmenn með sér eins og Heimi fyrirliða. Það hjálpar rosalega,“ segir hann. Guðmundur er á sínum þriðja vetri með meistaraflokki Akureyrar og spilar núna lágmark 50 mínútur í vel flestum leikjum liðsins. Hann segist hafa tekið miklum framförum sem leikmaður í vetur. „Það er allavega búið að segja það við mig. Aðallega mamma samt,“ segir Guðmundur léttur í bragði. „En það er alveg rétt að ég hef bætt mig í leikskilningi og á öðrum sviðum. Maður er samt hálfgerður kjúklingur ennþá og það er oft verið að leiðbeina manni og skamma mann. Maður verður hins vegar bara að taka því og reyna að nýta sér það.“ Eftirsjá að Geir Guðmundur Hólmar og Geir Guðmundsson eru frændur og miklir félagar utan vallar. Því var það sérstaklega mikið áfall fyrir Guðmund er ljóst var að Geir yrði frá út leiktíðina, en þá voru þeir frændur á leið í landsliðsferð saman. „Tímasetningin var alveg hrikaleg. Við vorum á leiðinni út með U-20 ára landsliðinu til Serbíu og ég enda svona hálf einn á báti úti. Við höfum verið saman í handboltanum síðan við vorum púkar, bæði sem andstæðingar og samherjar. Við hitum alltaf upp saman og ég kastaði því eiginlega bara á vegg í fyrstu leikjunum í upphitun eftir að Geir datt út.“ Guðmundur og Geir fagna góðum sigri á Haukum fyrr í vetur Stefnir í atvinnumennsku Þrátt fyrir ungan aldur er Guðmundur farinn að velta framtíðinni fyrir sér og þar horfir hann út fyrir landsteinana. „Maður er svona farinn að horfa aðeins fram í tímann. Ég ætla bara að leyfa mér að segja það að ég stefni út, alveg klárlega. Maður þarf hins vegar að halda sér við efnið og allt þarf að smella saman svo það gangi eftir,“ segir hann, en Guðmundur er nú þegar farinn að vekja áhuga erlendis. „Það eru umboðsmenn erlendis búnir að vera að heyra í manni. Ég er hins vegar ekkert farinn að ræða við neinn og tek því bara rólega. Að öllu óbreyttu ætla ég að klára samninginn minn hjá Akureyri,“ segir Guðmundur, en hann er samningsbundinn Akureyrarliðinu út næstu leiktíð.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson