
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Það verður gaman að fylgjast með þeim félögum á mótinu

6. september 2011 - Akureyri handboltafélag skrifar

Opna Norðlenska mótið og leikmannakynning

Á fimmtudaginn byrjar handboltinn að rúlla hér norðan heiða þegar við fáum fimm lið í heimsókn í árlegt æfingamót sem líkt og í fyrra er kennt við Norðlenska. Liðin sem koma að þessu sinni eru úrvalsdeildarliðin: Afturelding, Haukar, Valur ásamt 1. deildarliðunum ÍR og Stjörnunni.

Hvert lið leikur fjóra leiki og hefst fjörið á fimmtudaginn en þá verða leiknir þrír leikir og ráða úrslit þeirra hvernig liðin raðast í riðla. Á föstudag leika öll liðin tvo leiki og ætti þá að vera ljóst með röð þeirra í riðlunum en mótinu lýkur svo á laugardag með því að liðin leika um sæti, efstu lið riðlanna leika um 1. sætið og þannig áfram.

Mótið er mikilvægur þáttur í undirbúningi liðanna fyrir átökin í Íslandsmótinu en N1 deildin hefst mánudaginn 26. september. Eins og kunnugt er tók Akureyrar liðið þátt í æfingamóti í Þýskalandi í lok ágústmánaðar.

Haukar og Afturelding léku um síðustu helgi á Ragnarsmótinu á Selfossi þar sem Haukar urðu í 2. sæti og Afturelding í 5. sæti. Sjá öll úrslit Ragnarsmótsins.

ÍR, Valur og Afturelding taka þessa dagana einnig
i þátt í Reykjavíkurmótinu og þar vitum við að Afturelding vann ÍR sem einnig er búið að tapa fyrir Fram. Valur vann öruggan sigur á Víkingum.

Mótið hefst fimmtudaginn 8. september með þrem leikjum og ráða úrslit þeirra niðurröðun liðanna í riðlana tvo. Athugið að tímasetning þessara leikja hefur breyst frá því sem auglýst er í dagskránni og hefjast þeir sem hér segir:

18:00	Akureyri	Afturelding	Leikur 1
19:30	Valur	Stjarnan	Leikur 2
21:00	ÍR	Haukar	Leikur 3

Vinningslið úr leikjum 1 og 2 hér að ofan ásamt tapliðinu úr leik 3 fara í riðil 1 og hin liðin fara í riðil 2.

Föstudaginn 9. september fer riðlakeppnin fram og leika öll liðin tvo leiki.

Dagskrá föstudagsins er þannig:

13:00	Tapliðið úr leik 1 (lið 1)	Tapliðið úr leik 2 (lið 2)	Leikur 4
14:30	Sigurliðið úr leik 1 (lið 4)	Tapliðið úr leik 3 (lið 6)	Leikur 5
16:00	Lið 1	Sigurliðið úr leik 3 (lið 3)	Leikur 6
17:30	Sigurliðið úr leik 2 (lið 5)	Lið 6	Leikur 7
19:00	Lið 2	Lið 3	Leikur 8
20:30	Lið 4	Lið 5	Leikur 9

Laugardaginn 10. september lýkur mótinu með því að leikið verður um sæti.

11:00	Leikur 5. sæti	Leikur 10
12:30	Leikur 3. sæti	Leikur 11
14:00	Leikur 1. sæti	Leikur 12

Leikinn er fullur leiktími eða 2 x 30 mínútur.
Verðlaun veitt fyrir 1. sæti og einnig fá Besti markmaður, Besti varnarmaður, Besti sóknarmaður og Besti leikmaður mótsins viðurkenningar.

Aðgangseyrir á mótið er 1.000 krónur og gildir miðinn á alla leiki mótsins.

A.m.k. þrír fyrrum leikmenn Akureyrar eru væntanlegir með liðunum, Halldór Logi Árnason gekk til liðs við ÍR í sumar, Bjarni Jónasson leikur með Stjörnunni og Hafþór Einarsson varði mark Aftureldingar síðasta vetur.

Leikmannakynning
Að loknum leik Akureyrar og Aftureldingar á fimmtudaginn verður árleg leikmannakynning félagsins. Hún hefst klukkan 20:00 og verður í Íþróttahöllinni.

Hópurinn sem lék í Þýskalandi á dögunum

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson