Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það þarf að hafa allar reglur á hreinu fyrir tímabilið

29. ágúst 2011 - Akureyri handboltafélag skrifar

Áherslur dómaranefndar HSÍ fyrir 2011-2012

Á vef HSÍ kemur fram að um síðastliðna helgi var haldinn árlegur haustfundur dómara og eftirlitsmanna HSÍ. Góð þátttaka var á fundinum þar sem dómarar gengust undir bæði skrifleg og líkamleg próf auk þess sem Kristinn Jakobsson flutti erindi um starf og umhverfi knattspyrnudómara og Kristján Halldórsson um upphitun og gildi þess að vera í líkamlegu formi. Í sumar hafa handknattleiksdómarar undirbúið sig undir handleiðslu Kristjáns og félaga og mátti sjá þess glögg merki þegar rýnt er í niðurstöður mælinga og prófa.

Áherslur dómaranefndar voru kynntar dómurum á laugardeginum og þjálfurum á sunnudegi auk þess sem þessir hópar tóku þátt í skoðanakönnun um ýmis mál er tengjast störfum dómara og félagsstarfinu en niðurstöður þeirra verða birtar á næstu dögum.

Áherslur fyrri hluta keppnistímabilsins 2011-2012.

1. SKREF
Niðurstaða eftirlitsskýrslna frá síðasta tímabili sýndi slaka frammistöðu dómara varðandi skref. Lögð verður sérstök áhersla á að dómarar bæti úr þessum þætti.

2. STIGHÆKKANDI REFSING
Eitthvað var um að menn kvörtuðu yfir því að ekki væri nógu gott samræmi á milli dómarapara hvað varðar stighækkandi refsingu, og það jafnvel milli leikja hjá sömu dómurum. Dómaranefnd mun því taka þær ábendingar til skoðunar og leggja línuna gagnvart dómurum.

3. UMGJÖRÐ
Borið hefur á losaralegum vinnubrögðum við undirbúning leikja og því verður lögð áhersla á að dómarar/eftirlitsmaður, umsjónarmaður leiks og fulltrúar beggja liða hittist tímanlega fyrir leik til að fara yfir búningamál, leikskýrslu, inngöngu liða, leikvöll, skiptisvæði og ritara/tímavarðarborð.

4. SKIPTISVÆÐI
Góð viðbrögð voru við áherslum, sem lagðar voru á skiptisvæði á síðasta tímabili, og til festa þær betur í sessi þá verður reglum um þjálfunarsvæði fylgt áfram. Síðasta ár fór í aðlögun á breyttum reglum og nú eiga allir að þekkja þær en hér að neðan er útdráttur úr leikreglum og skýringum við þær;

Starfsmenn skulu að öllu jöfnu sitja á skiptimannabekk, en hafa rétt til og er skylt að leiðbeina og stjórna liði sínu meðan á leik stendur á drengilegan og íþróttamannslegan hátt innan ramma leikreglna. Starfsmönnum er þó heimilt að hreyfa sig innan þjálfunarsvæðis og eru hreyfingar og stöður innan þess leyfðar með það í huga að gefa taktískar ábendingar og veita læknisþjónustu. Meginreglan er að aðeins einn starfsmaður má standa eða hreyfa sig á sama tíma.

Starfsmönnum liðs og leikmönnum er óheimilt að:
  • trufla eða móðga dómara, eftirlitsmann, tímavörð/ritara, leikmenn, starfsmenn liðs eða áhorfendur með ögrandi framferði, mótmælum eða annarri óíþróttamannslegri framkomu (tali, svipbrigðum eða látbragði).
  • yfirgefa skiptisvæði til að hafa áhrif á leikinn:
  • Tímavörður/ritari og eftirlitsmaður skulu aðstoða dómara við að fylgjast með skiptisvæði fyrir leik og meðan á leik stendur. Ef reglur um skiptisvæði eru brotnar er dómurum skylt að bregðast við samkvæmt reglum 16:1b, 16:3d eða 16:6b (áminning, brottvísun, útilokun)”.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson