Herrakvöld Akureyrar Handboltafélags á föstudaginn

Þeir fjölmörgu sem komu á herrakvöldið fyrir ári síðan geta nú andað léttara því að nú endurtökum við leikinn á föstudagskvöldið 17. febrúar, að þessu sinni á Hótel KEA. Við getum lofað glæsilegri skemmtun og ekki spillir frábær matur, að þessu sinni er forréttur og þriggja rétta gourmet máltíð.
Miðaverði er stillt í hóf og kostar miðinn aðeins 4.900 krónur.

Ýmiss skemmtiatriði verða í boði og fjölmargir happdrættisvinningar verða dregnir út.

Veislustjóri verður enginn annar en Svavar Alfreð Jónsson en ekki hefur fengist uppgefið hver verður aðalræðumaður kvöldsins – nafni hans er haldið leyndu þar til á föstudagskvöldið.

Skemmtunin hefst stundvíslega klukkan 19:30 á Hótel KEA með fordrykk. Miðar eru seldir í forsölu á veitingastaðnum Bryggjunni en allar nánari upplýsingar gefur Sigurður í síma 866 9958.

Við hvetjum að sjálfsögðu alla stuðningsmenn til að fjölmenna, þetta gerist bara einu sinni á ári.