Viðtal við verðandi þjálfara - myndir


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Sævar, Bjarni og Heimir fá verðugt verkefni næsta tímabil		16. apríl 2012 - Akureyri handboltafélag skrifar Viðtal við verðandi þjálfara - myndir Eins og alþjóð er nú kunnugt var undirritaður tveggja ára samningur við Bjarna Fritzson og Heimi Örn Árnason um að þeir verði næstu þjálfarar Akureyrar Handboltafélags. Eftir að Atli Hilmarsson tilkynnti að hann hyggðist láta af störfum eftir yfirstandandi leiktíð hófst leit að eftirmanni Atla og eftir ýmsar vangaveltur komust menn að þessari niðurstöðu. Þessi lausn, að hafa tvo spilandi þjálfara á sér trúlega ekki mörg fordæmi í sögunni og er að sjálfsögðu óvenjuleg. En þeir félagar hafa undirbúið sig mjög vel og lögðu fram hugmyndir og skipulag sem stjórn og leikmenn félagsins hafa fulla trú á og binda miklar vonir við samstarfið við þá, enda báðir miklir reynsluboltar og leiðtogar í liðinu. Norðlenska er einn að dyggustu bakhjörlum Akureyrar Handboltafélags og þegar var leitað til fyrirtækisins um að að fá að halda blaðamannafund í tilefni undirritunar samninga, brugðust þeir frábærlega við og sköpuðu stórglæsilega umgjörð sem sjá má á meðfylgjandi myndum. Frábært samstarf Akureyrar Handboltafélags og Norðlenska Við þetta tækifæri var sem sé formlega gengið frá samningi við Bjarna og Heimi auk þess sem samið var við Sævar Árnason um áframhaldandi starf aðstoðarþjálfara. Þá framlengdu Hörður Fannar Sigþórsson og Sveinbjörn Pétursson leikmannasamninga sína þannig að þetta var sannkallaður hamingjudagur. Undirritun lokið Fjölmargir fulltrúar fjölmiðla komu og ræddu við þá félaga, þar á meðal var Þröstur Ernir Viðarsson, blaðamaður Vikudags og Sport.is og birtum við hér viðtal hans við tilvonandi þjálfara en myndirnar tók hirðljósmyndari okkar Þórir Tryggvason. Viðtal Þrastar fer hér á eftir: Heimir Örn Árnason og Bjarni Fritzson, leikmenn handknattleiksliðs Akureyrar, og nú verðandi þjálfarar þess, skrifuðu á föstudaginn undir tveggja ára samning um að taka við þjálfum Akureyrarliðsins í sumar þegar Atli Hilmarsson lætur af störfum og verður Sævar Árnason þeim til aðstoðar. Heimir og Bjarni hafa verið tveir af burðarstólpum liðsins undanfarin ár og verða spilandi þjálfarar. Þeir félagar eru því að fara ótroðnar slóðir í þessum efnum en hvorugur þeirra hefur reynslu af þjálfun í meistaraflokki. Sport.is hitti þá félaga eftir ráðninguna í gær. Þröstur Ernir ræðir við Heimi Örn „Þetta leggst gríðarlega vel í mig,“ segir Heimir. „Þetta er búið að taka langan tíma og við erum búnir að fara mjög vel í gegnum þetta og hvort þetta sé góður kostur og í raun hægt. Eftir að hafa rætt lengi og oft við bæði Bjarna og Sævar þá fundum við vonandi hina gullna formúlu um að við þrír getum stjórnað þessu saman. Þetta er smá tilraunastarfssemi að vera með tvo spilandi þjálfara en ég er gríðarlega spenntur fyrir þessu og hvernig þetta kemur til með að ganga verður eiginlega bara að koma í ljós,“ sagði Heimir. Í svipaðan streng tók Bjarni. „Þegar ég fékk þessa spurningu fyrst um að taka við liðinu og spila í senn fannst mér það strax spennandi og mikil áskorun. Það er einmitt það sem gefur lífinu gildi að taka áskorunum. Þeir sem þekkja mig vita líka að ég er stjórnsamur þannig að það verður fínt að hafa almennileg völd,“ sagði Bjarni léttur og óttast það ekki að þurfa að deila þessum völdum með Heimi. Bjarni og Heimir í viðali við RÚV „Við erum nokkuð samstíga með okkar áherslur. Við erum búnir að bera bækur okkar saman til þess að kanna hvort það sé grundvöllur fyrir þessu samstarfi og við teljum svo vera. Þess vegna ákváðum við að taka þetta verkefni að okkur. Það hjálpar okkur mikið að við séum tveir í þessu. Betur sjá augu en auga og svo munum við einnig koma til með að skipta með okkur verkefnum og erum báðir mjög miklir leiðtogar. Við komum til með að gera einhverjar áherslubreytingar en við erum fyrst og fremst að hugsa um að byggja ofan á það sem Atli (Hilmarsson) hefur gert með liðið. Hann er frábær þjálfari og hefur skilað góðu starfi og það verður stórt verkefni að stíga í fótspor hans,“ segir Bjarni og Heimir bætir við: „Við höfum farið vel yfir þetta og ég er ótrúlega bjartsýnn. Við Bjarni erum báðir miklir baráttuhundar. Bjarni segist hins vegar eiga aðeins meira eftir í boltanum heldur en ég þannig að ætli ég stýri þessu þá ekki bara meira af hliðarlínunni,“ sagði Heimir léttur í bragði. Heimir hefur glímt við erfið meiðsli í vetur og ekki náð að beita sér fullkomlega. Aðspurður um hvort hann komi til með spila minna næsta vetur þar sem hann mun einnig stýra liðinu segir Heimir: „Ég set bara spurningarmerki við það. Þetta fer mikið eftir því hvernig ég verð eftir sumarið. En ég er bjartsýnn á að ég nái mér hundrað prósent heilum fyrir næsta vetur og geti beitt mér að fullu. Ég er allavega ekkert að fara að hætta strax og á vonandi 1-2 ár eftir,“ sagði Heimir að lokum, en spennandi verður að sjá hvernig þeim félögum tekst upp næsta vetur. Norðlenska leysti þjálfara og leikmenn út með höfðinglegum gjöfum. Bestu þakkir Norðlenska fyrir samstarfið! Hér er hægt að sjá enn fleiri myndir Þóris Tryggvasonar frá athöfninni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson