Bjarni Fritzson í liði 15-21 umferða og Akureyri með umgjörðina

Í gær tilkynnti HSÍ val sitt á þeim sem sköruðu fram úr að þeirra mati í síðasta þriðjungi N1 deildarinnar eða umferðum 15 til 21.

Að þessu sinni á Akureyri Handboltafélag einn leikmann í hópnum en það er Bjarni Fritzson sem er valinn besti hægri hornamaðurinn. Bjarni er þar með eini leikmaður deildarinnar sem var valinn í úrvalsliðið í öll þrjú skiptin, glæsilegur árangur það Bjarni!

Sömuleiðis fékk Akureyri Handboltafélag viðurkenningu fyrir bestu umgjörð sinna heimaleikja og hreppti þá viðurkenningu þar með í öll skiptin í vetur. Við erum að sjálfsögðu þakklát fyrir viðurkenninguna sem okkar frábæru stuðningsmenn eiga að sjálfsögðu mikinn þátt í.

Frá stemmingunni í lok síðasta deildarleiksins

Annars er úrvalslið umferða 15 til 21 þannig skipað að áliti HSÍ:
Markvörður: Aron Rafn Eðvarðsson, Haukar
Vinstra horn: Bjarki Már Elísson, HK
Vinstri skytta: Stefán Rafn Sigurmannsson, Haukar
Miðjumaður: Ólafur Bjarki Ragnarsson, HK
Hægri skytta: Ólafur Gústafsson, FH
Hægra horn: Bjarni Fritzson, Akureyri
Línumaður: Heimir Óli Heimisson, Haukar

Sveinn Þorgeirsson, Haukum var valinn besti varnarmaðurinn og jafnframt besti leikmaður umferðanna.

Aron Kristjánsson, þjálfari Hauka, var útnefndur besti þjálfarinn og dómaraparið Ingvar Guðjónsson og Jónas Elíasson bestu dómararnir.

Við óskum öllum þessum aðilum til hamingju með sínar viðurkenningar.

Nú þegar deildarkeppninni er lokið og HSÍ hefur valið fyrir allar þrjár hluta deildanna þá er forvitnilegt að taka sama hverjir þóttu skara framúr hverju sinni í tilteknar stöður:

Markvörður: Hlynur Morthens - Val, Daníel Andrésson – FH og Aron Rafn Eðvarðsson – Haukum.
Línumaður: Ægir Hrafn Jónsson – Fram, Atli Ævar Ingólfsson – HK og Heimir Óli Heimisson – Haukum.
Vinstri hornamaður: Bjarki Már Elísson – HK, Freyr Brynjarsson – Haukum og Bjarki Már Elísson – HK.
Hægri hornamaður: Gylfi Gylfason – Haukum, Bjarni Fritzson - Akureyri Handboltafélag og Bjarni Fritzson - Akureyri Handboltafélag
Vinstri skytta: Ólafur Gústafsson – FH, Anton Rúnarsson – Val og Stefán Rafn Sigurmannsson – Haukum.
Hægri skytta: Bjarni Fritzson - Akureyri Handboltafélag, Örn Ingi Bjarkason – FH og Ólafur Gústafsson - FH
Miðjumaður: Tjörvi Þorgeirsson – Haukum, Ólafur Bjarki Ragnarsson – HK og Ólafur Bjarki Ragnarsson – HK
Besti leikmaðurinn: Bjarki Már Elísson – HK, Bjarni Fritzson - Akureyri Handboltafélag og Sveinn Þorgeirsson - Haukum
Besti varnarmaðurinn: Ægir Hrafn Jónsson – Fram, Vilhelm Gauti Bergsveinsson – HK og Sveinn Þorgeirsson - Haukum.
Besti þjálfarinn: Aron Kristjánsson – Haukum, Atli Hilmarsson - Akureyri Handboltafélag og Aron Kristjánsson – Haukum.
Besta dómaraparið: Anton Pálsson og Hlynur Leifsson, Anton Pálsson og Hlynur Leifsson og loks Ingvar Guðjónsson og Jónas Elíasson
Besta umgjörðin: Akureyri Handboltafélag, Akureyri Handboltafélag og Akureyri Handboltafélag.

Sport.is með samantekt á tölfræði N1 deildarinnar
Hér er hægt að skoða áhugaverða samantekt á ýmissi tölfræði yfir leiki N1 deildarinnar í vetur, byggð á leikskýrslum.

Sjá fyrri hluta samantektar um N1 deildina

Sjá seinni hluta samantektarinnar