Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Jovan fór hamförum í markinu í kvöld

4. október 2012 - Akureyri handboltafélag skrifar

Glæsilegur sigur á ÍR í kvöld

Það var ekki laust við að það væri spenna í loftinu í Íþróttahöllinni í kvöld þegar Akureyri tók á móti ÍR-ingum sem eru til alls líklegir í baráttunni í vetur enda liðið búið að safna að sér hörkumannskap.
Ekki bætti úr skák að Heimir Örn Árnason og Ásgeir Jónsson voru báðir forfallaðir vegna meiðsla.

Það fór hins vegar svo að Akureyri tók öll völd á vellinum, eftir rúmlega níu mínútna leik var staðan 6-2 fyrir Akureyri. ÍR-ingar minnkuðu muninn niður í tvö mörk, 7-5 en þá gáfu heimamenn í og juku forskotið í 5 mörk eða 10-5. Aftur söxuðu ÍR-ingar muninn í tvö mörk eða 10-8 áður en heimamenn breyttu stöðunni í 14-9 sem urðu einmitt hálfleikstölurnar.

Jovan Kukobat var hreint út sagt frábær með 12 skot varin í hálfleiknum, sýndi og sannaði að hann er hreint frábær markvörður. Bjarni Fritzson skoraði sex mörk í fyrri hálfleik.


Oddur og Jovan gefa ekkert eftir í leiknum

Ekki vænkaðist hagur ÍR-inga í upphafi seinni hálfleiks því eftir fjögurra mínútna leik var munurinn kominn í átta mörk, 18-10 og Jovan áfram í gríðarlegum ham fyrir aftan frábæra Akureyrarvörn. Segja má að úrslit leiksins hafi eiginlega verið ráðin þar með enda ráðaleysi ÍR-inga algjört, Björgvin Hólmgeirsson var sá eini sem virtist hafa kraft til að gera eitthvað.


Bergvin og Hreinn með örugg tök á Björgvin Hólmgeirssyni

Munurinn jókst og varð mestur tíu mörk, 23-13 og 25-15 en leiknum lauk með öruggum níu marka sigri heimamanna 32-23.

Margir ungir leikmenn fengu að spreyta sig í leiknum, Friðrik Svavarsson lék lengst af á línunni en lokamínúturnar kom inná annar enn yngri, Daníel Matthíasson, 17 ára og stóð fyrir sínu. Sömuleiðis lék Valþór Guðrúnarson lokamínúturnar og setti mark sitt á leikinn með góðu marki. Einnig komu Ásgeir Jóhann Kristjánsson og Sigþór Heimisson inná og sýndu allir þessir ungu strákar að breiddin í liðinu er meiri en menn hafa gert sér grein fyrir.

Leikur liðsins var hreint frábær í kvöld, sóknarleikurinn hraður og fjölbreyttur, vörnin geysilega kröftug og Jovan frábær í markinu. Baráttan í liðinu var til fyrirmyndar og erfitt að taka einstaka leikmenn út úr, allir skiluðu sínu vel og ljóst að liðið er á fínu róli og mikilvægt að halda þessum dampi áfram í næstu leikjum.

Mörk Akureyrar: Bjarni Fritzson 11 (3 víti), Oddur Gretarsson 6, Geir Guðmundsson 5, Andri Snær Stefánsson 4, Bergvin Gíslason 4, Guðmundur Hólmar Helgason 1 og Valþór Guðrúnarson 1.
Í markinu varði Jovan Kukobat 20 skot.

Hjá ÍR var Björgvin Hólmgeirsson yfirburðamaður með 11 mörk, Guðni Már Kristinsson 4, Jónatan Vignisson 3, Sturla Ásgeirsson 2 (1 úr víti), Ingimundur Ingimundarson, Jón Heiðar Gunnarsson og Sigurjón Friðbjörn Björnsson með 1 mark hver.
Markvarsla ÍR-inga var ekki mikil en Kristófer Fannar Guðmundsson varði 6 skot í leiknum.

Þeir Jovan Kukobat og Björgvin voru valdir bestu menn liðanna og fengu glæsilegar matarkörfur frá Norðlenska í viðurkenningarskyni.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson