Tapið gegn Hollendingum gerði út um vonir Íslands
| | 6. janúar 2013 - Akureyri handboltafélag skrifarU-21: Ísland úr leik þrátt fyrir jafntelfi gegn SlóvenumÍslensku strákarnir fóru illa að ráði sínu í gær þegar þeir steinlágu fyrir heimamönnum í Hollandi, 37-23. Íslendingar voru yfir lengst af í fyrri hálfleik en misstu Hollendinga fjórum mörkum yfir í hálfleik 17-13.
Leikur liðsins hrundi síðan gjörsamlega í seinni hálfleik og fjórtán marka tap staðreynd.
Mörk Íslands gegn Hollandi: Geir Guðmundsson 4, Sveinn Aron Sveinsson 4, Ísak Rafnsson 3, Garðar Sigurjónsson 3, Gunnar Malmquist 3, Kristján Orri Jóhannsson 2, Andri Hjartar Grétarsson 2 og Janus Daði Smárason 2.
Í dag mætti Ísland síðan Slóvenum og með sigri í þeim leik hefði liðið tryggt sig áfram.
Ísland hafði frumkvæðið mestallan fyrri hálfleikinn en Slóvenar leiddu þó með þrefm mörkum í hálfleik 16-13. Íslendingum tókst loks að jafna leikinn í 25-25 þegar fimm og hálf mínúta var til leiksloka. Lengra komust strákarnir ekki en leiknum lauk með jafntefli 27-27.
Mörk Íslands gegn Slóvenum: Guðmundur Hólmar Helgason 6, Sveinn Aron Sveinsson 6, Geir Guðmundsson 4, Janus Daði Smárason 4, Garðar Sigurjónsson 3, Ísak Rafnsson 2, Gunnar Malmquist 2.
Þessi úrslit gerðu það að verkum að Ísland þurfti að treysta á að Úkraína ynni Hollendinga í lokaleik riðilsins. Það gekk ekki eftir og Hollendingar unnu Úkraínu 27 – 25 og þar með útséð að Hollendingar fylgja Slóvenum í úrslitakeppnina að þessu sinni. |
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!