ÍR hafði betur í hörkuleik


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Bjarni Fritzson mættur til leiks á ný - með fimm mörk í leiknum		3. mars 2013 - Akureyri handboltafélag skrifar ÍR hafði betur í hörkuleik Leikur ÍR-inga og Akureyringa í Austurbergi byrjaði með látum en Akureyri varð fyrir skakkaföllum í byrjun leiks þegar Hreinn Þór Hauksson fór meiddur af velli. En það voru gestirnir sem skoruðu fyrsta mark leiksins en svo skiptust liðin á að ná forystu í leiknum. Í stöðunni 3-3 kom góður kafli hjá heimamönnum sem kom þeim í 6-3. Það létu gestirnir ekki á sig fá og eftir að minnka forskotið jafnt og þétt þá var staðan 10-9 þegar stutt var eftir af fyrri hálfleik. ÍR skoraði seinasta mark hálfleiksins og leiddi 11-9 þegar flautað var til hálfleiks. Það var svipað uppá teningnum í seinni hálfleik en heimamenn leiddu með 1-2 mörkum meira og minna allan seinni hálfleikinn. Þegar 20 mínútur voru eftir af leiknum var staðan 15-13 fyrir ÍR en Bjarni Fritzson minnkaði muninn í eitt mark með vítaskoti. Bjarni Fritzson skorar eitt fimm marka sinna í leiknum. Mynd: Kristinn/Mbl ÍR reyndi að klippa Guðmund Hólmar úr leiknum enda hafði Guðmundur verið besti leikmaður gestanna. Akureyri náði að jafna í 15-15 þegar 18 mínútur voru eftir og ÍR-ingar í vandræðum í sóknarleiknum. Þegar 13 mínútur voru eftir var staðan 17-16 fyrir ÍR en liðið komst í 2 marka forskot en misstu það svo niður og Akureyri jafnaði í 17-17 með marki frá Geir Guðmundssyni. ÍR tapaði boltanum í næstu sókn og Heiðar Þór Aðalsteinsson skoraði glæsilegt mark sem kom Akureyri yfir í leiknum. Bjarki Sigurðsson var ekki sáttur með sína menn og tók leikhlé. Sturla Ásgeirsson jafnaði metin í 18-18 en svo var Geir Guðmundssyni vikið af velli fyrir að tefja leikinn, ansi klaufalegt. ÍR skoraði aftur þegar 7 mínútur voru eftir en það var Davíð Georgsson sem kom heimamönnum í 19-18. Þá tók Akureyri leikhlé til að fara yfir málin enda búnir að missa forystuna í leiknum. Sturla skoraði aftur fyrir ÍR og kom liðinu í 20-18 og virtust Akureyringar vera að missa móðinn. Þegar 4 mínútur voru eftir var forysta ÍR 1 mark en Akureyri náði þá boltanum eftir að ruðningur var dæmdur á ÍR. Akureyri fór illa af ráði sínu í sókninni en Kristófer, markmaður ÍR, varði heldur slakt skot gestanna. ÍR fengu sókn en þeir tóku leikhlé þegar um 40 sekúndur voru eftir til að nýta tímann sem best. ÍR lék sig í vitleysu í sókninni og missti boltann. Akureyri fékk seinustu sókn leiksins en Kristófer Fannar Guðmundsson gerði sér lítið fyrir og varði seinasta skot Akureyringum í leiknum sem kom eftir skot úr horninu og tryggði hann heimamönnum sigurinn í leiknum. ÍR er sama og búið að tryggja sig í úrslitakeppnina með sigrinum en það þarf ansi mikið að ganga á svo þeir missi sitt sæti þar. Eins og kom fram hér að framan þá missti Akureyri Hrein Þór Hauksson meiddan af velli strax í upphafi leiks, Bergvin Þór Gíslason gat lítið sem ekkert beitt sér í sókninni vegna eymsla í öxl. Jákvætt var hins vegar að Bjarni Fritzson kom inn í liðið og lék stóran part leiksins. Mörk Akureyrar: Bjarni Fritzson 5 (3 úr vítum), Geir Guðmundsson 4, Guðmundur Hólmar Helgason 3, Heiðar Þór Aðalsteinsson 3, Bergvin Þór Gíslason 2, Andri Snær Stefánsson 1 og Heimir Örn Árnason 1 mark. Í markinu varði Jovan Kukobat 12 skot. Mörk ÍR: Jón Heiðar Gunnarsson 5, Sturla Ásgeirsson 5, Guðni Már Kristinsson 4, Björgvin Hólmgeirsson 3, Davíð Georgsson 1, Hrannar Máni Gestsson 1 og Sigurjón F Björnsson 1 mark. Kristófer Fannar Guðmundsson varði 11 skot í marki ÍR. Þessi umfjöllun er að mestu fengin frá sport.is.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson