SBA með sætaferðir á bikarúrslitahelgina 8. - 10. mars

Það hefur væntanlega ekki farið framhjá neinum að Akureyri Handboltafélag leikur til úrslita í Símabikarnum 2013. Það eru fjögur lið eftir í keppninni og að þessu sinni er nýtt skipulag á úrslitum keppninnar sem kallast Final Four þar sem undanúrslitaleikirnir eru leiknir föstudaginn 8. mars og sjálfur úrslitaleikurinn sunnudaginn 10. mars.

Akureyri Handboltafélag leikur við Stjörnuna á föstudeginum, klukkan 19:45. Ef Akureyri fer með sigur af hólmi í þeim leik spilar liðið úrslitaleikinn á sunnudaginn klukkan 13:30 annaðhvort gegn ÍR eða Selfossi.

Þeir sem upplifðu stemminguna í bikarúrslitunum 2011 þegar Akureyri lék við Val eða á árum áður þegar KA varð bikarmeistari vilja örugglega ekki missa af þessu tækifæri og því hafa Sérleyfisbílar Akureyrar (SBA) ákveðið að bjóða upp á sætaferðir á úrslitahelgina. Verð er mjög hagstætt eða einungis 5.000 krónur fram og til baka. Það er vissara að tryggja sér sæti sem fyrst en hægt er að bóka sæti í ferðina gegnum vefinn.

Í boði eru tveir möguleikar:

1. Suður á föstudag á leikinn gegn Stjörnunni og ef Akureyri sigrar heim aftur eftir úrslitaleikinn á sunnudag annars heim strax að föstudagsleik loknum.
2. Ef Akureyri fer í úrslitaleikinn á sunnudaginn verður einnig í boði ferð frá Akureyri á sunnudagsmorguninn og heim aftur að úrslitaleiknum loknum.

Athugið! Lágmark 20 manns þurfa að skrá sig í hvora ferð til að ferðin verði farin. Falli ferðin niður verður þeim sem hafa bókað endurgreitt.

Smelltu hér til að bóka sæti í föstudagsferðina.

Smelltu hér til að bóka sæti í sunnudagsferðina.