Leikur dagsins: Akureyri - Afturelding - útsendingar

Það er runninn upp leikdagur og hann er einn af þeim mikilvægustu á tímabilinu. Ætlar Akureyrarliðið að stíga upp og sína hvað í því býr eða lenda í bullandi vandræðum í lokaumferðinni?

Það er ljóst að Aftureldingarmenn munu leggja allt í sölurnar í þessum leik. Eins og kemur fram á handbolti.org ætlar Örn Ingi Bjarkason, sem hefur glímt við langvarandi meiðsli, að koma með liðinu norður og gera allt sem hann getur til að hjálpa liðinu. Það þýðir væntanlega að hann ætlar ekki bara að sitja á bekknum.

Arnar Freyr Theódórsson spámaður Handbolta.org spáir Aftureldingu eins marks sigri á síðustu sekúndum leiksins. Við skulum vona að hans spá gangi ekki eftir og við stuðningsmenn leggjum okkar að mörkum til að það gerist ekki.

Við verðum að vanda með beina textalýsingu hér á síðunni frá leiknum, smelltu hér til að fylgjast með textalýsingunni.

Leikurinn er einnig sýndur beint á SportTV.is og hefst útsending þeirra rétt fyrir klukkan 19:30.

Smelltu hér til að fylgjast með útsendingu SportTV.is